ព័ត៌មានជាតិ

ប្រទះឃើញវត្តមានសត្វព្រៃជាច្រើនប្រភេទ ថតជាប់ដោយម៉ាស៊ីនថតស្វ័យប្រវត្តិនៅតំបន់ទេសភាពភ្នំថ្មកំបោរ

បានផុស

២ years មុន

នៅ

ថ្ងៃពុធ ២៩ ឧសភា ២០២៤

ដោយ

បើយោងតាមក្រសួងបរិស្ថាននារសៀលថ្ងៃទី២៩ ខែឧសភា ឆ្នាំ២០២៤ នេះ បានឱ្យដឹងថា វត្តមានសត្វព្រៃជាច្រើនប្រភេទត្រូវបានប្រទះឃើញ ដែលត្រូវបានថតជាប់ដោយម៉ាស៊ីនថតស្វ័យប្រវត្តិនៅតំបន់ទេសភាពភ្នំថ្មកំបោរ ក្នុងភូមិសាស្ដ្រខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីជំនាញក្រសួងបរិស្ថាន និងអង្គការសត្វព្រៃ និងរុក្ខជាតិប្រចាំកម្ពុជា (FFI) បានគូសបញ្ជាក់ឱ្យដឹងថា វត្តមានសត្វព្រៃដែលបានថតជាប់ដោយម៉ាស៊ីនស្វ័យប្រវត្តិនោះ សុទ្ធសឹងតែជាថនិកសត្វប្រភេទមានដោយកម្រ និងប្រភេទមានដោយបង្គួរទាំងនោះរួមមាន កែះ ឆ្មាដាវ ឆ្កែចចក ក្តាន់ញ៉ែងតូច ប្រម៉ា សំពោចក្រអូប ឈ្លូស ស្វាត្រោស ស្វាក្ដាម កន្ថឹក មាន់ព្រៃជាដើម។

ប្រទេសកម្ពុជា មានភ្នំថ្មកំបោរយ៉ាងច្រើន ដែលភាគច្រើនស្ថិតនៅក្នុងខេត្តបាត់ដំបង កំពត និង ស្ទឹងត្រែង។ ភ្នំកំបោរទាំងនោះ មានសារៈសំខាន់យ៉ាងខ្លាំងផ្នែកប្រព័ន្ធអេកូឡូស៊ី និងតម្លៃផ្នែកវប្បធម៌ ហើយវាក៏ជាជម្រកធម្មជាតិសម្រាប់ប្រភេទសត្វព្រៃជាច្រើនផងដែរ។

គួរជម្រាបថា កាលពីខែមករា ឆ្នាំ២០២៤ កន្លងមកនេះ មន្រ្តីជំនាញក្រសួងបរិស្ថាន និងអង្គការសត្វព្រៃ និងរុក្ខជាតិប្រចាំកម្ពុជា(FFI) សហការជាមួយរដ្ឋបាលខេត្តបាត់ដំបង អាជ្ញាធរ និងសហគមន៍មូលដ្ឋាន បានចុះដាក់ម៉ាស៊ីនថតស្វ័យប្រវត្ត ចំនួនជាង ៣០គ្រឿង នៅតំបន់ទេសភាពភ្នំថ្មកំបោរក្នុងភូមិសាស្ដ្រខេត្តបាត់ដំបង ដើម្បីប្រមូលទិន្នន័យជីវចម្រុះក្នុងការគាំទ្រផែនការអភិរក្សការការពារភ្នំថ្មកំបោរ។