សេដ្ឋកិច្ច

ថៃមានបំណងរកចំណូល ៧,៥ ប៊ីលានបាត ពីការផលិតភាពយន្តបរទេសនៅឆ្នាំនេះ

បានផុស

២ years មុន

នៅ

ថ្ងៃអង្គារ ២៥ មិថុនា ២០២៤

ដោយ

ក្រសួងទេសចរណ៍ និងកីឡារបស់ប្រទេសថៃ មានបំណងរកចំណូលពីការផលិតភាពយន្តបរទេសនៅក្នុងស្រុក ឱ្យបាន ៧,៥ ប៊ីលានបាត (ជាង ២០០ លានដុល្លារអាមេរិក) នៅក្នុងឆ្នាំនេះ ដោយកើនឡើង ១០ ភាគរយ ធៀបនឹងឆ្នាំកន្លងទៅ។ នេះបើតាមការចុះផ្សាយរបស់សារព័ត៌មាន Khaosod English។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីរបស់ក្រសួង គឺ លោក Sermsak Pongpanich បាននិយាយកាលពីថ្ងៃអាទិត្យថា ក្រសួងមានទំនុកចិត្តថា គោលដៅនេះនឹងសម្រេចបាន ជាពិសេសជាមួយនឹងការថតរឿងភាគ White Lotus រដូវកាលទី ៣ របស់បណ្ដាញទូរទស្សន៍ HBO ដែលកំពុងថតនៅបាងកក ភូកេត និងកោះសាមុយ។

លោក Sermsak ថ្លែងថា ការផលិតភាពយន្តបរទេសមិនត្រឹមតែអាចបង្កើតប្រាក់ចំណូល និងការងារ និងជំរុញសេដ្ឋកិច្ចក្នុងស្រុកប៉ុណ្ណោះទេ ប៉ុន្តែថែមទាំងជួយទាក់ទាញភ្ញៀវទេសចរ ដែលចង់ទស្សនាកន្លែងថតភាពយន្តទៀតផង។

គួរគូសបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ឧស្សាហកម្មផលិតភាពយន្ដបរទេសក្នុងប្រទេសថៃ មានការកើនឡើងជាលំដាប់។ ក្នុងឆ្នាំ ២០២២ ប្រទេសនេះរកចំណូលបានប្រហែល ៦,៣៩ ប៊ីលានបាត (១៧២ លានដុល្លារអាមេរិក) ពីការផលិតភាពយន្ត 6.39 ពាន់លានបាត (172 លានដុល្លារអាមេរិក) ពីការផលិតភាពយន្តចំនួន ៣៤៨។ ប្រាក់ចំណូលនេះ បានកើនឡើងប្រហែល ៥,៣ ភាគរយ ដល់ ៦,៧៥ ប៊ីលានបាត កាលពីឆ្នាមុន ដែលថៃទទួលរៀបចំផលិតភាពយន្តចំនួន ៤៦៦ មកពី ៤០ ប្រទេសផ្សេងៗគ្នា។

បើតាម លោក Sermsak ក្នុងរយៈពេល៥ខែដំបូងឆ្នាំនេះ ភាពយន្តបរទេសចំនួន ២១៤ ត្រូវបានថតនៅក្នុងប្រទេសថៃ ដែលបង្កើតបានរហូតដល់ ៣,៥៣ ប៊ីលានបាត និងបង្កើតការងារសម្រាប់ប្រជាជនថៃជិត ១៤ ០០០ នាក់។

ក្នុងយុទ្ធសាស្រ្តទាក់ទាញអ្នកផលិតភាពយន្តអន្តរជាតិ កន្លងមក រដ្ឋាភិបាលថៃបានផ្តល់ការលើកទឹកចិត្តផ្សេងៗ រួមទាំងការលើកលែងពន្ធលើប្រាក់ចំណូលផ្ទាល់ខ្លួនសម្រាប់តារាសម្តែងបរទេស៕

Related Topics: