ព័ត៌មានអន្ដរជាតិ

មកដឹងសារសំខាន់របស់កូវ៉ាក់ និងរបៀបផ្ដល់វ៉ាក់សាំងទៅប្រទេសមានចំណូលទាប

បានផុស

៥ years មុន

នៅ

ថ្ងៃសុក្រ ៥ មីនា ២០២១

ដោយ

តើកូវ៉ាក់ជាអ្វី?

កូវ៉ាក់ (COVAX Facility) គឺជាកិច្ចខិតខំប្រឹងប្រែងដ៏សំខាន់របស់ពិភពលោក ក្នុងការផ្ដល់វ៉ាក់សាំងកូវីដដល់ប្រទេសក្រីក្រនិងប្រទេសដែលមានប្រាក់ចំណូលមធ្យមកម្រិតទាប។ កូវ៉ាក់ចាប់ផ្ដើមបង្កើតឡើងកាលពីឆ្នាំមុន ដឹកនាំដោយអង្គការ GAVI, CEPI, និង WHO ក្នុងភាពជាដៃគូជាមួយនឹង UNICEF ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកណាខ្លះដែលចូលរួមនៅក្នុងកម្មវិធីរបស់អង្គការសុខភាពពិភពលោក?

កូវ៉ាក់មានគោលបំណងផ្ដល់វ៉ាក់សាំងកូវីដដោយឥតគិតថ្លៃ ដល់ប្រជាជនយ៉ាងតិច ២០% នៃប្រទេសក្រីក្រចំនួន ៩២ នៅលើពិភពលោកនៅចុងឆ្នាំ ២០២១ ។ មានប្រទេសជាង ៥០ ផ្សេងទៀតដែលរួមមាន កាណាដានិងប្រទេសដែលមានប្រាក់ចំណូលមធ្យមកម្រិតទាប ដូចជាអាហ្វ្រិកខាងត្បូងនិងម៉ិកស៊ិក ក៏បានបញ្ជាទិញវ៉ាក់សាំងតាមរយៈកូវ៉ាក់ ប៉ុន្តែត្រូវចំណាយសម្រាប់ដូសដោយខ្លួនឯង។

តើវ៉ាក់សាំងណាខ្លះត្រូវបានធានា?

កូវ៉ាក់បានធ្វើកិច្ចព្រមព្រៀងជាមួយក្រុមហ៊ុនផលិតធំៗ ភាគច្រើនរួមមាន Pfizer , Johnson & Johnson និង Novavax ។ប៉ុន្តែនៅឆមាសទីមួយនៃឆ្នាំ ២០២១ ផែនការចែកចាយវ៉ាក់សាំងពីមជ្ឈមណ្ឌលកូវ៉ាក់គឺសម្រាប់តែវ៉ាក់សាំងដែលបង្កើតដោយក្រុមហ៊ុន AstraZeneca PLC និងសាកលវិទ្យាល័យ Oxford ប៉ុណ្ណោះ ។

ពេញមួយឆ្នាំវ៉ាក់សាំង AstraZeneca ត្រូវបានព្យាករណ៍ថា នឹងទទួលបានប្រហែលមួយភាគបីនៃការផ្គត់ផ្គង់ដោយកូវ៉ាក់ ចំណែក J&J និង Novavax និងក្រុមហ៊ុនផលិតផ្សេងទៀតអាចនឹងទទួលបានការអនុញ្ញាតដូចការរំពឹងទុកដែរ។

តើវ៉ាក់សាំងកូវីដនឹងត្រូវបរិច្ចាគប៉ុន្មាន?

កូវ៉ាក់និយាយថាខ្លួនបានចរចាកិច្ចព្រមព្រៀងសម្រាប់ការចាក់វ៉ាក់សាំងប្រហែល ២.២៧ ពាន់លានដូសក្នុងឆ្នាំនេះ ទោះបីភាគច្រើនមិនទាន់ត្រូវបានអនុញ្ញាតឬកំពុងស្ថិតក្នុងការសាកល្បងព្យាបាលក៏ដោយ។ វ៉ាក់សាំងទាំងអស់នោះលើកលែងតែ J&J មួយដែលត្រូវការដូសពីរដង ហើយវ៉ាក់សាំងខ្លះនឹងទៅប្រទេសផ្ដល់ហិរញ្ញប្បទានដោយខ្លួនឯង៕

ប្រែសម្រួល៖ សាង ស្រីល័ក្ខ

ប្រភព៖wsj

ចុចអាន៖ប្រភេទក្រុមឈាមដែលប្រឈមហានិភ័យឆ្លងកូវីដខ្ពស់

ចុចអាន៖ក្រុមមនុស្សឈាមប្រភេទ A ប្រឈមឆ្លងកូវីដខ្ពស់

Related Topics:ព័ត៌មានទាន់ហេតុការណ៍