ព័ត៌មានអន្ដរជាតិ
រុស្ស៊ី៖ អ៊ុយក្រែនកំពុងរារាំងដំណើរការដោះដូរអ្នកទោសសង្គ្រាម
អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយកាលពីថ្ងៃទី២ខែវិច្ឆិកាថា អ៊ុយក្រែនកំពុងបំផ្លាញដំណើរការផ្លាស់ប្តូរអ្នកទោសសង្គ្រាមរវាងប្រទេសទាំងពីរ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters។
លោកស្រី Zakharova បានលើកឡើងថា ក្រសួងការពារជាតិរុស្ស៊ីបានយល់ព្រមប្រគល់អ្នកទោសសង្គ្រាមអ៊ុយក្រែនចំនួន ៩៣៥នាក់ឲ្យទីក្រុងកៀវ ប៉ុន្តែអ៊ុយក្រែនទទួលយកត្រឹមតែ ២៧៩នាក់ប៉ុណ្ណោះ។
លោកស្រី Zakharova បានប្រាប់អ្នកយកព័ត៌មានថា៖ «រុស្ស៊ីមិនដែលបដិសេធក្នុងការពិភាក្សាអំពីការដោះដូរអ្នកទោសសង្រ្គាមទេ» ដោយបន្ថែមថា ការអះអាងផ្ទុយពីនេះគ្រាន់តែជាការកុហកដើម្បីបង្ខូចកិត្តិយសរុស្ស៊ីប៉ុណ្ណោះ។
ពាក់ព័ន្ធនឹងការចោទប្រកាន់នេះ លោក Dmytro Lubinets ប្រធានសិទ្ធិមនុស្សអ៊ុយក្រែន បានបកស្រាយនៅថ្ងៃអាទិត្យនេះលើបណ្ដាញទំនាក់ទំនង Telegram ថា អ៊ុយក្រែនរមែងត្រៀមខ្លួនសម្រាប់ការដោះដូរអ្នកទោសសង្គ្រាមជានិច្ច តែរុស្ស៊ីទៅវិញនោះទេដែលបង្កភាពយឺតយ៉ាវនៃដំណើរការដោះដូរអ្នកទោសទាំងនោះ។
សូមបញ្ជាក់ថា ភាពតានតឹងជុំវិញការដោះដូរអ្នកទោសសង្គ្រាមរវាងក្រុងកៀវ និងក្រុងមូស្គូ នៅតែបន្ត ខណៈភាគីទាំងពីរបានបន្ទោសគ្នាទៅវិញទៅមកចំពោះភាពយឺតយ៉ាវ និងភាពស្មុគស្មាញនៅក្នុងដំណើរការដោះដូរ៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៣ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា២ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ២ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ៣ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា២ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ១៦ ម៉ោង agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ៦ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក