ព័ត៌មានជាតិ
ចលនាយុវជនកម្ពុជាក្រុម១៥៧សាខាខេត្តតាកែវ ចុះចែកអំណោយដល់ប្អូនស្រីម្នាក់មានជំងឺពងបែក
ដោយមានការណែនាំ និងចង្អុលបង្ហាញពីលោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ នៅព្រឹកថ្ងៃទី១២ ខែមីនា ឆ្នាំ២០២១ បានចាត់ឲ្យសមាជិកជាតំណាងរបស់ចលនាយុវជនកម្ពុជាក្រុម១៥៧ សាខាខេត្តចុះសួរសុខទុក្ខផ្ទាល់ និងនាំយកអំណោយជាគ្រឿងឧបភោគ បរិភោគ និងថវិកាមួយចំនួន ទៅចែកជូនដល់ប្អូនស្រីម្នាក់ ដែលមានជំងឺប្រចាំកាយ រស់នៅក្នុងស្ថានភាពគ្រួសារក្រីក្រ ក្នុងភូមិត្រពាំងក្រឡាញ់ ឃុំអូរសារាយ ស្រុកត្រាំកក់ ខេត្តតាកែវ ។
ក្នុងឱកាសនោះ តំណាងឲ្យប្រធានចលនាយុវជនកម្ពុជាក្រុម១៥៧សាខាខេត្តតាកែវ ក៏បានពាំនាំនូវ ក្តីនឹករលឹក ផ្ដាំផ្ញើសាកសួរសុខទុក្ខពីចម្ងាយពីសំណាក់លោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ លោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ មកជម្រាបជូនគ្រួសារប្អូនស្រី ដោយក្តីនឹករំលឹកអាណិតស្រលាញ់ និងជូនពរអោយប្អូនស្រីឆាប់ជាសះស្បើយពីជំងឺនេះផងដែរ។
ឆ្លៀតក្នុងឱកាសនោះ ក្រុមការងារនៃសមាជិកចលនាយុវជនកម្ពុជាក្រុម១៥៧ សាខាខេត្ត ក៏បានធ្វើផ្សព្វផ្សាយនៅសេចក្តីណែនាំ របស់ក្រសួងសុខាភិបាល និងវិធានការរបស់សម្តេចតេជោ ហ៊ុន សែន គឺ៣កុំ ៣ការពារ និងសូមឲ្យបងប្អូនទាំងអស់ត្រូវចូលរួមអនុវត្តឲ្យបានខ្លាំងខ្លាបន្ថែមទៀត និងប្រយុទ្ធប្រឆាំងកូវីដ១៩នេះ ដោយទម្លាប់ធ្វើអនាម័យ ឲ្យបានស្អាតជាប្រចាំ ពិសេសនោះ ត្រូវលាងដៃជាមួយសាប៊ូឲ្យបានស្អាតជានិច្ច ហើយបើពុំចាំបាច់នោះទេ សូមកុំចេញក្រៅផ្ទះឲ្យសោះ ដើម្បីធ្វើយ៉ាងណាចចូលរួមទប់ស្កាត់កុំឲ្យមានជំងឺកូវីដ១៩ ឆ្លងចូលសហគមន៍របស់យើងកាន់តែធ្ងន់ធ្ងរថែមទៀត ។
គ្រួសារដែលទទួលអំណោយពីក្រុមការងារថ្ងៃនេះ គឺគ្រួសារប្អូនស្រី រួន មាលី អាយុ១២ ដែលមានជំងឺពងបែករបកពេញខ្លួនតាំងពីអាយុ២ឆ្នាំ ស្ថានភាពគ្រួសារក្រីក្រខ្វះខាតខ្លាំង មានឪពុកឈ្មោះ រួន ជក់ អាយុ៥៣ ឆ្នាំ ធ្វើការជាជាងសំណង់ និងម្តាយឈ្មោះ ហ៊ួន ស្រីសរ អាយុ៣៨ឆ្នាំ ។
អំណោយដែលត្រូវបានផ្តល់ជូនដល់គ្រួសារប្អូនស្រី រួន មាលី ដោយក្នុងរួមមាន៖ អង្ករ៥០ គីឡូក្រាម ទឹកត្រី ០១យួរ ទឹកស៊ីអ៊ីវ០១យួរ ត្រីខ១យួរ ប៊ីចេង០១កញ្ចប់ ខ្ទឹមស ១គីឡូ ស្ករស ទឹកសុទ្ធ ០១កេស មី០១កេស និងអំបិល រួមជានឹងថវិកាក្នុង១គ្រួសារៗ ១០០,០០០រៀល ៕
អត្ថបទ ៖ វីរៈ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ