ព័ត៌មានអន្ដរជាតិ

លោក ដូណាល់ ត្រាំ នឹងទាត់ចោលទាហានកែភេទ ១៥ ០០០នាក់ចេញពីកងយោធាអាមេរិក

បានផុស

២ years មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

Chheang

លោក ដូណាល់ ត្រាំ នឹងចុះហត្ថលេខាលើបទបញ្ជាប្រតិបត្តិមួយ នៅក្នុងថ្ងៃឡើងកាន់តំណែងជាផ្លូវការនាដើមឆ្នាំ២០២៥ ដើម្បីដកសមាជិកដែលកែភេទចេញពីជួរយោធាសហរដ្ឋអាមេរិក។ នេះបើយោងតាមការចុះផ្សាយរបស់សារព័ត៌មាន The Times នៅថ្ងៃទី២៥ខែវិច្ឆិកាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពជិតស្និទ្ធនឹងរឿងនេះ បានលាតត្រដាងថា បទបញ្ជាថ្មីនេះអាចប៉ះពាល់ដល់យោធាកែភេទប្រមាណ ១៥ ០០០ នាក់ ដោយបង្ខំឲ្យពួកគេចេញពីមុខតំណែង។

ពាក់ព័ន្ធនឹងបញ្ហានេះ លោកស្រី Rachel Branaman នាយកប្រតិបត្តិនៃសមាគមយោធាទំនើបអាមេរិក បានប្រាប់ The Times ថា ការហាមឃាត់មនុស្សកែភេទពីយោធា «នឹងធ្វើឲ្យខូចដល់ការត្រៀមខ្លួនរបស់យោធា និងបង្កើតឲ្យមានវិបត្តិជ្រើសរើស និងកង្វះខាតបុគ្គលិកកាន់តែធំ ដោយមិនទាន់និយាយអំពីភាពងាយរងគ្រោះចំពោះសត្រូវរបស់អាមេរិកផង»។

សូមបញ្ជាក់ថា កន្លងមក លោក ត្រាំ ធ្លាប់ប្រកាសពីការប្ដេជ្ញារបស់លោក ក្នុងការអនុវត្តតឹងរឹងចំពោះបុគ្គលកែភេទនៅក្នុងវិស័យជាច្រើនដូចជា ការអប់រំ សុខាភិបាល កីឡា និងយោធា។ លោក ត្រាំ នឹងត្រូវឡើងកាន់តំណែងជាប្រធានាធិបតីទី៤៧របស់អាមេរិក នាថ្ងៃទី២០ខែមករាឆ្នាំក្រោយ៕

ដោយ៖ ឈាង