សន្តិសុខសង្គម
អភិបាលខណ្ឌឫស្សីកែវ ដឹកនាំកម្លាំងចម្រុះ ចុះធ្វើរដ្ឋបាលទ្រង់ទ្រាយធំតាម តំបន់ស្មុគស្មាញក្នុងមូលដ្ឋាន និងឃាត់ខ្លួនមនុស្សមួយចំនួន
ដោយមានការយកចិត្តទុកដាក់ និងដឹកនាំដោយ លោក ឃួង ស្រេង អភិបាលរាជធានីភ្នំពេញ តែងតែដាក់ផែនការជាប់ជាប្រចាំឲ្យគណៈបញ្ជាការឯកភាពខណ្ឌទាំង ១៤ ក្នុងមូលដ្ឋានរាជធានីភ្នំពេញ ទប់ស្កាត់ បង្ការ បង្ក្រាបពីបញ្ហាសន្តិសុខសុវត្ថិភាព ជាពិសេសគោលនយោបាយភូមិ-ឃុំមានសុវត្ថិភាព អំពើលួច ឆក់ ប្លន់ ល្បែងស៊ីសង និងសណ្ដាប់ធ្នាប់សាធារណៈ ជូនប្រជាពលរដ្ឋ ឲ្យបានល្អប្រសើរ។
ជាក់ស្ដែងកាលពីយប់ថ្ងៃទី ២៦ ខែវិច្ឆិកា ឆ្នាំ ២០២៤ គណៈបញ្ជាការឯកភាពរដ្ឋបាលខណ្ឌឫស្សីកែវ ដឹកនាំដោយ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ បានដឹកនាំកម្លាំងចម្រុះ ចុះធ្វើរដ្ឋបាលទ្រង់ទ្រាយធំនៅតាមតំបន់ស្មុគស្មាញ ក្នុងភូមិសាស្ត្រ ភូមិផ្សារតូច សង្កាត់ទួលសង្កែទី ១ និងតំបន់មួយចំនួនទៀតក្នុងមូលដ្ឋានខណ្ឌ និងបានឃាត់ខ្លួនមនុស្សមួយចំនួន ដែលមានការសង្ស័យ និងមួយចំនួនជាជនអនាថា ទៅសាលាខណ្ឌ ដើម្បីអប់រំណែនាំអនុវត្តតាមនីតិវិធីបន្ត។
ការចុះធ្វើរដ្ឋបាល ក៏ដូចជាការយកចិត្តទុកដាក់របស់រដ្ឋបាលខណ្ឌឫស្សីកែវ ប្រជាពលរដ្ឋក្នុងមូលដ្ឋានមានការសប្បាយចិត្តរីករាយថ្លែងអំណរអរគុណដល់លោកអភិបាលខណ្ឌ តែងតែយកចិត្តទុកដាក់ជាប់ជាប្រចាំ និងសុខទុក្ខរបស់ប្រជាពលរដ្ឋ ដែលកន្លងមកមានជនអនាថា ក៏ដូចជាក្រុងក្មេងទំនើង មានការប្រមូលផ្ដុំចេញចូលយប់ព្រលប់ ធ្វើឲ្យប្រជាពលរដ្ឋមានការភ័យខ្លាច ខ្វះសន្តិសុខសុវត្ថិភាពរស់នៅប្រចាំថ្ងៃ បានអាជ្ញាធរមានសកម្មភាពបែបនេះ ប្រជាពលរដ្ឋមានការរស់នៅ និងសុខសុវត្ថិភាព។
លោក ជិន ប៊ុនធឿន បានលើកឡើងថា ការចុះធ្វើរដ្ឋបាលនាពេលនេះ ដើម្បីពង្រឹងសន្តិសុខ សណ្ដាប់ធ្នាប់ក្នុងមូលដ្ឋានខណ្ឌ និងទប់ស្កាត់បទល្មើសចោរកម្មផ្សេងៗ ដែលអាចកើតមានឡើង ជាពិសេសឲ្យស្របតាមគោលនយោបាយរបស់រាជរដ្ឋាភិបាល «ភូមិ-ឃុំ-សង្កាត់មានសុវត្ថិភាព» ផងដែរ។
ចុងក្រោយអាជ្ញាធរខណ្ឌឫស្សីកែវ សំណូមពរដល់ប្រជាពលរដ្ឋក្នុងមូលដ្ឋាន សូមចូលរួមសហការជាមួយអាជ្ញាធរផ្ដល់ព័ត៌មាន និងសេចក្ដីរាយការណ៍ដល់អាជ្ញាធរជួយអន្តរាគមន៍ រាល់បទល្មើសបានទាន់ពេលវេលា និងដើម្បីរក្សាសន្តិសុខសុវត្ថិភាពក្នុងមូលដ្ឋានដល់ប្រជាពលរដ្ឋ៕
អត្ថបទ ៖ សុភា
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត