ទឹកជំនន់នៅថៃឆក់យកជីវិតមនុស្ស៣៥នាក់និង​ប៉ះពាល់​ដល់១១ខេត្ត

សារព័ត៌មានថៃបានផ្សាយ​នៅ​ថ្ងៃទិថា នាយកដ្ឋានបង្ការនិងកាត់បន្ថយគ្រោះមហន្តរាយ រាយការណ៍ថា ទឹកជំនន់ធ្ងន់ធ្ងរដែលបង្កឡើងដោយប្រព័ន្ធសម្ពាធខ្ពស់ពីប្រទេសចិនបានឆក់យកជីវិតមនុស្ស​៣៥នាក់ និងប៉ះពាល់ដល់គ្រួសារជាង ៧៣៧០០០នៅទូទាំង១១ខេត្តភាគខាងត្បូងនៃប្រទេសថៃចាប់តាំងពីថ្ងៃទី២២ខែវិច្ឆិកាឆ្នាំ២០២៤មក។

គិតត្រឹមថ្ងៃទី ១៦ខែធ្នូ ទឹកជំនន់នៅតែបន្តកើតមានក្នុងខេត្តចំនួន៥គឺខេត្ត Chumphon, Ranong, Surat Thani, Nakhon Si Thammarat និង Phatthalung ដែលប៉ះពាល់ដល់គ្រួសារជាង ១២៨០០០។ គ្រោះមហន្តរាយនេះបានបណ្តាលឱ្យមានទឹកជំនន់ភ្លាមៗ និងទឹកទន្លេហូរហៀរទូទាំងតំបន់ ដែលប៉ះពាល់ដល់ភូមិជិត២០០០ភូមិ។

មកដល់ពេលនេះកិច្ចខិតខំប្រឹងប្រែងសង្គ្រោះនៅតែបន្តខណៈដែលអាជ្ញាធរតាមដានស្ថានភាពនៅតំបន់ដែលរងផលប៉ះពាល់ ដែលភ្លៀងធ្លាក់ខ្លាំងត្រូវបានគេរំពឹងថានឹងបន្តកើតមាន៕