ព័ត៌មានអន្ដរជាតិ
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
ជំទាវទីមួយ Kim Keon Hee ត្រូវគេរាយការណ៍ថា មានសុខភាពមិនល្អ ហើយត្រូវបានទុកចោលតែម្នាក់ឯងក្នុងគេហដ្ឋានប្រធានាធិបតីនៅ Hannam-dong ទីក្រុងសេអ៊ូល។ នេះកើតឡើងបន្ទាប់ពីស្វាមីគឺប្រធានាធិបតី Yoon Suk Yeol ត្រូវឃុំខ្លួនដោយអ្នកស៊ើបអង្កេតកាលពីថ្ងៃពុធ ពាក់ព័ន្ធនឹងការដាក់ច្បាប់អាជ្ញាសឹកកាលពីថ្ងៃទី ០៣ ខែធ្នូ នេះបើយោងតាមមន្ត្រីគណបក្សកាន់អំណាចកាលពីថ្ងៃសុក្របានបញ្ចាក់។
សមាជិកសភាគណបក្សអំណាចប្រជាជន (PPP) កំពុងកាន់អំណាច Kwon Young-jin ដែលបានទៅលេងគេហដ្ឋានលោក Yoon មុនពេលឃុំខ្លួនបានប្រាប់អ្នកកាសែតថា «ខ្ញុំបានឃើញស្ត្រីទីមួយ មុខរបស់នាងមើលទៅគួរឲ្យភ័យខ្លាច។ ខ្ញុំមានអារម្មណ៍សោកស្ដាយចំពោះនាង» ។
លោក Kwon Young-jin គឺជាសមាជិកសភាម្នាក់ក្នុងចំណោមសមាជិកសភាបក្សកាន់អំណាចប្រហែល៣០នាក់ ដែលបានប្រមូលផ្តុំគ្នានៅមុខគេហដ្ឋានរបស់ប្រធានាធិបតី ដើម្បីរារាំងការអនុវត្តដីកាឃុំខ្លួនគាត់ យកទៅសាកសួរលើការចោទប្រកាន់ពីបទបះបោរ។ គាត់បានជួបជាមួយលោក Yoon មុនពេលត្រូវចាប់ខ្លួនក្នុងមន្ទីរឃុំឃាំងបន្ទាប់ពីការប្រឈមមុខដាក់គ្នាអស់រយៈពេលមួយម៉ោង។
មន្ត្រីម្នាក់នៅការិយាល័យប្រធានាធិបតីបានប្រាប់ JoongAng Ilbo ថា ជំទាវទី១ មានរាងកាយស្គមខ្លាំង ដែលធ្វើឲ្យពួកគេព្រួយបារម្ភ។ គ្រប់គ្នាសុទ្ធតែគិតថា គាត់គួរតែទៅមន្ទីរពេទ្យដើម្បីពិនិត្យសុខភាពជាបន្ទាន់។
ដីកាឃុំខ្លួនប្រធានាធិបតី ត្រូវបានគេសម្រេចកាលពីថ្ងៃពុធ ដោយទុកឲ្យលោកស្រី Kim នៅម្នាក់ឯងក្នុងឯគេហដ្ឋានផ្លូវការ។ នាងនឹងបន្តនៅទីនោះ រហូតដល់ការបញ្ចប់ការកាត់ក្តីចោទប្រកាន់របស់ Yoon នៅតុលាការធម្មនុញ្ញ។
មិនតែប៉ុណ្ណោះ ឥស្សរជនគណបក្សកាន់អំណាចជាច្រើនក៏បានរាយការណ៍ថា ម្នាក់ៗជួបលោកស្រី Kim នៅឯគេហដ្ឋានផ្លូវការ បន្ទាប់ពីជម្លោះច្បាប់អាជ្ញាសឹក គ្រប់គ្នាក៏សម្តែងការព្រួយបារម្ភចំពោះសុខភាពរបស់នាង។ ពួកគេបានពន្យល់ថា នាងស្ទើរតែមិនអាចញ៉ាំបាន ហើយបានគ្រប់គ្រងស្ថានភាពផ្ទាល់ខ្លួនដោយប្រើថ្នាំផ្សេងៗ។
ទោះបីជាយ៉ាងណា នាពេលកន្លងមកលោកស្រីកម្រត្រូវគេឃើញជាសាធារណៈណាស់ ចាប់តាំងពីគាត់ត្រូវគេស៊ើបអង្កេតដោយព្រះរាជអាជ្ញាកាលពីខែកក្កដាឆ្នាំមុន លើការចោទប្រកាន់ថា បានទទួលយកកាបូបប្រណីត និងជាប់ពាក់ព័ន្ធក្នុងគម្រោងរៀបចំភាគហ៊ុន។ យ៉ាងណា មុនការអនុវត្តការឃុំខ្លួន Yoon អ្នកប្រើ YouTube ខ្លះ បានបង្ហោះវីដេអូបង្ហាញពីមនុស្សម្នាក់ដែលគេជឿថា ជាលោកស្រី Kim ដើរជាមួយឆ្កែនៅក្នុងបរិវេណគេហដ្ឋានផ្លូវការ៕
អត្ថបទ៖ សាង ស្រីល័ក្ខ
ចុចអាន៖អ្នកគាំទ្រលោក Yoon រិះគន់ IU ថា ជាអ្នកញុះញង់ឲ្យមានការបះបោរ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត