សន្តិសុខសង្គម

បង្ក្រាបទីតាំងល្បែងស៊ីសង ១ កន្លែង ឃាត់ខ្លួនមនុស្សស្រី ២ នាក់ នៅសង្កាត់ចោមចៅទី ៣

បានផុស

១ year មុន

នៅ

ថ្ងៃចន្ទ ២៧ មករា ២០២៥

ដោយ

កម្លាំងគណៈបញ្ជាការឯកភាពខណ្ឌពោធិ៍សែនជ័យ ចុះបង្ក្រាបទីតាំងបង្កប់ល្បែងស៊ីសងណេតខុសច្បាប់ និងលួចប្រើប្រាស់ថ្នាំញៀន ១ កន្លែង ឃាត់ខ្លួនមនុស្សស្រីចំនួន ២ នាក់ ព្រមទាំងដកហូតសម្ភារៈមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការឆ្មក់បង្ក្រាបទីតាំងល្បែងស៊ីសងខាងលើនេះបានធ្វើឡើងកាលពីយប់ថ្ងៃទី ២៦ ខែមករា ឆ្នាំ ២០២៥ នៅភូមិជម្ពូវ័ន ២ សង្កាត់ចោមចៅទី ៣ ខណ្ឌពោធិ៍សែនជ័យ។

តាមប្រភពព័ត៌មានបានឲ្យដឹងថា មុនឈានដល់ការឆ្មក់ចុះបង្ក្រាប ដោយមានប្រជាពលរដ្ឋបានរាយការណ៍សម្ងាត់ថា ទីតាំងខាងលើមានលួចបង្កប់ល្បែងស៊ីសងតាមអនឡាញខុសច្បាប់ និងលួចប្រើប្រាស់ថ្នាំញៀនទៀតផង ទើបនៅយប់ថ្ងៃទី ២៦ ខែមករា ឆ្នាំ ២០២៥ កម្លាំងគណៈបញ្ជាការឯកភាពខណ្ឌពោធិ៍សែនជ័យ ដឹកនាំដោយ លោក ផុន សុផាន អភិបាលរង បានឆ្មក់ចុះបង្ក្រាបជាក់ស្ដែង ឃាត់ខ្លួនមនុស្សស្រីចំនួន ២ នាក់ ដកហូតសម្ភារៈបានមួយចំនួន ព្រមទាំងឧបករណ៍ប្រើប្រាស់គ្រឿងញៀនទៀតផង។

ក្រោយឆែកឆេររួចរាល់កម្លាំងគណៈបញ្ជាការខណ្ឌបានដកហូតសម្ភារៈយកទៅរក្សាទុកនៅសាលាខណ្ឌពោធិ៍សែនជ័យ។ ចំណែកមនុស្សស្រីចំនួន ២ នាក់ បានប្រគល់ជូនប៉ុស្តិ៍នគរបាលសង្កាត់ចោមចៅទី ៣ ដើម្បីចាត់ការតាមនីតិវិធី។ ដោយឡែកទីតាំងខាងលើ ត្រូវបានចាក់សោជាបណ្ដោះអាសន្នសិន៕

អត្ថបទ ៖ សុខា