ព័ត៌មានអន្ដរជាតិ

ទុរេនវៀតណាមធ្លាក់ថ្លៃ ដោយសារតែការត្រួតពិនិត្យការនាំចូលរបស់ចិន

បានផុស

១ year មុន

នៅ

ថ្ងៃចន្ទ ១០ កុម្ភៈ ២០២៥

ដោយ

តម្លៃទុរេនចេញពីចម្ការនៅតំបន់ដីសណ្តទន្លេមេគង្គរបស់ប្រទេសវៀតណាម បានធ្លាក់ចុះពី ៦0-៧០ ភាគរយ មកនៅត្រឹម ៤៧ ០០០ ដុង (១,៨៦ ដុល្លារ)/គីឡូក្រាម ក្រោយប្រទេសចិនរឹតត្បឹតការនាំចូល ដោយទាមទារការធ្វើតេស្តសុវត្ថិភាពរកសារធាតុគីមីជាមុនសិន។ នេះបើតាមការចុះផ្សាយរបស់កាសែត VnExpress កាលពីចុងសប្ដាហ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទុរេនគុណភាពល្អលេខ ១ ត្រូវបានគេទិញចេញពីចម្ការក្នុងតម្លៃ ៦២ ០០០ ដុង/គីឡូក្រាម និងគុណភាពល្អលេខ ២ លក់នៅតម្លៃ ៤៧ ០០០ ដុង/គីឡូក្រាម។

លោក Thanh កសិករដាំទុរេនក្នុងខេត្ត Tien Giang បាននិយាយប្រាប់ VnExpress ថា លោកបានលក់ទុរេនប្រមូលផលក្រៅរដូវរបស់ខ្លួន ១/៣ ហើយគ្រោងលក់ផលទាំងអស់ នៅពេលទុរេនឡើងថ្លៃឡើងវិញ។

ចំណែកឯម្ចាស់ចម្ការម្នាក់ទៀតក្នុងខេត្តដូចគ្នា លោក Thien បាននិយាយថា លោកលក់ផ្លែទុរេនដែលប្រមូលផលទាំងអស់។ លោកបន្តថា៖ «នៅតម្លៃនេះ កសិករចំណេញតិចតួចណាស់ ជាពិសេសខណៈរដូវប្រមូលផលក្រៅរដូវ ផ្ដល់ផលតិចជាងក្នុងរដូវរហូតដល់ទៅ ៣០-៤០ ភាគរយ»។

ពាណិជ្ជករទិញទុរេននៅតំបន់ដីសណ្ត ឈ្មោះ Khuong បាននិយាយថា ការនាំចេញទុរេនមិនទាន់បានធូរស្បើយទេ ចាប់តាំងពីប្រទេសចិនដាក់ចេញនូវការទាមទារឱ្យមានការត្រួតពិនិត្យលើទុរេន ដើម្បីរកមើលក្រែងលោរមានសារធាតុគីមី Basic Yellow 2 ដែលអាចបង្កមហារីក។ កត្តានេះបានបង្កឱ្យមានការពន្យារពេលក្នុងការនាំចេញទុរេន និងការធ្លាក់ចុះតម្លៃយ៉ាងខ្លាំង។

ពាណិជ្ជករដដែលបានបន្តថា ពាណិជ្ជករជាច្រើនកំពុងលុបចោលកិច្ចសន្យាទិញធំៗដែលពួកគេបានព្រមព្រៀងពីម្ចាស់ចម្ការ បើទោះបីជាបានបង់ប្រាក់បញ្ញើរួចហើយក៏ដោយ៕

Related Topics:វៀតណាម ចិនទុរេនវៀតណាម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា