តួតៃវ៉ាន់ស្អាតបំផុត Joey Wong បង្ហាញខ្លួនម្ដងទៀត ក្រោយអវត្តមានជិត ២០ ឆ្នាំពីវិស័យសិល្បៈ

តារាស្រីតៃវ៉ាន់ Joey Wong បានបង្ហោះវីដេអូមួយនៅលើគណនី Weibo របស់នាង ដោយបង្ហាញពីទិដ្ឋភាពនៃជីវិតផ្ទាល់ខ្លួននិងរបៀបរស់ន៏ដ៏សាមញ្ញាបំផុត បន្ទាប់ពីបានដើរចេញពីឧស្សាហកម្មកម្សាន្តអស់រយៈពេលជាង ២០ ឆ្នាំ។

នៅក្នុងវីដេអូនោះតារាស្រីវ័យ ៥៨ ឆ្នាំ បានពិភាក្សាអំពីអាជីព និងបទពិសោធន៍របស់នាង ដោយនឹកឃើញពីរបៀបដែលកាលពីក្មេង នាងបានធ្វើការដោយមិននឿយហត់ដើម្បីបង្កើតខ្លួនឯងនៅក្នុងឧស្សាហកម្មភាពយន្ត ដែលជារឿយៗប្រឈមមុខនឹងបញ្ហា និងភាពមិនច្បាស់លាស់អំពីអនាគត។

តួស្រីស្អាតបំផុតក្នុងសិល្បៈចិន-តៃវ៉ាន់ បាននិយាយថា នៅពេលចូលដល់ដំណាក់កាលចុងក្រោយនៃជីវិត នាងបានផ្តោតលើការចិញ្ចឹមបីបាច់សន្តិភាពខាងក្នុង នោះគឺធ្វើឲ្យសុខភាពប្រសើរឡើង និងធ្វើឲ្យជីវិតខាងវិញ្ញាណកាន់តែស៊ីជម្រៅ។

នាងថែមទាំងបានចែករំលែកថា បន្ទាប់ពីចាកចេញពីអេក្រង់ នាងចង់រៀន និងអនុវត្តការ Moxibustion ដែលជាការព្យាបាលតាមបែបឱសថបុរាណចិន ពាក់ព័ន្ធនឹងការដុតផ្សិតចំបើងលើចំណុចជាក់លាក់នៃរាងកាយ។ នាងបានបើកហាង មួយនេះនៅប្រទេសកាណាដា ថា នេះជាការងារហើយនេះគឺជាជីវិតរបស់នាង ដរាបណានាងមានកម្លាំងដើម្បីបន្តការងារនេះ។

យ៉ាងណា ងាកមកកាន់ការបង្ហោះរបស់នាងនៅបណ្ដាញសង្គម Weibo វីដេអូ​នេះ​បាន​ប្រមូល​មតិ​រាប់​ម៉ឺន​នាក់​យ៉ាង​លឿន​ ក្នុងពេលដែលអ្នកគាំទ្រ​ម្នាក់​បាន​បញ្ចេញ​មតិ ​អបអរសាទរ​ដល់ដល់តារាស្រី ដែល​បាន​ធ្វើ​ការងារ​ដែល​ខ្លួន​ស្រលាញ់មកជាយូរ។ ចំណែកអ្នកផ្សេងទៀត បានបន្ថែមដែរថា ចាប់ប់ផ្តើមអាជីពថ្មីនៅអាយុ៥៨ ឆ្នាំគឺមិនយឺតពេលទេ។

សម្រាប់តារាសម្ដែង Joey Wong បានផ្លាស់ទៅរស់នៅប្រទេសកាណាដាក្នុងឆ្នាំ ២០០៤។ យោងទៅតាម Next Apple នាងបានលះបង់ខ្លួនឯងដើម្បីសិក្សាទស្សនវិជ្ជាព្រះពុទ្ធសាសនា និងអនុវត្តនៅផ្ទះ រស់នៅដោយឯកជន និងកម្រចេញទៅក្រៅ។​ របៀបរស់នៅបច្ចុប្បន្នរបស់នាង មានភាពខុសប្លែកគ្នាយ៉ាងខ្លាំងជាមួយនឹងឆ្នាំរបស់នាងនៅក្នុងឧស្សាហកម្មកម្សាន្ត។ ក្នុងទសវត្សរ៍ឆ្នាំ ១០៨០ និងឆ្នាំ ១៩៩០ នាងគឺជាតារាកំពូលមួយរូប ដែលជារឿយៗគេហៅថា Jade Girl សម្រាប់ភាពទាក់ទាញគញមានចន្លោះរបស់នាងនាពេលកន្លងមក៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ទើបគេចពីកាព្វកិច្ចយោធា ពេលនេះ Darren Wang ត្រូវប៉ូលិស​ឃុំ​ខ្លួន​ពី​បទ​មនុស្ស​ឃាត