សន្តិសុខសង្គម

ឃាត់ខ្លួនជនសង្ស័យម្នាក់ភ្លាមៗក្រោយឆក់ទូរស័ព្ទពីនារីម្នាក់បានសម្រេច

បានផុស

១៨ ម៉ោង មុន

នៅ

ថ្ងៃពុធ ១៤ ឧសភា ២០២៥

ដោយ

ជនសង្ស័យម្នាក់ត្រូវបាននគរបាលប៉ុស្តិ៍ចោមចៅទី៣ ឃាត់ខ្លួនបានភ្លាមៗ ក្រោយពីធ្វើសកម្មភាពឆក់ទូរស័ព្ទដៃពីនារីម្នាក់បានសម្រេច កាលពីវេលាម៉ោង៦និង៣០នាទី ព្រលប់ថ្ងៃទី១៣ ខែឧសភា ឆ្នាំ២០២៥ ស្ថិតនៅតាមបណ្ដោយផ្លូវជាតិលេខ៤ត្រង់ចំណុចស្តុបQMI ភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យឈ្មោះ រីម វណ្ណារ៉ា ភេទប្រុសអាយុ១៨ឆ្នាំ មុខរបរមិនពិតប្រាកដ បច្ចុប្បន្នស្នាក់នៅភូមិតាសេក សង្កាត់កំបូល ខណ្ឌកំបូល រាជធានីភ្នំពេញ មានស្រុកកំណើតនៅខេត្តកណ្ដាល។ រីឯនារីជនរងគ្រោះ ទូច ចាន់ណា អាយុ២៨ឆ្នាំ មុខរបរធ្វើការរោងចក្រ បច្ចុប្បន្នរស់នៅសង្កាត់គោកឃ្លាង ខណ្ឌសែនសុខ រាជធានីភ្នំពេញ។

តាមប្រភពព័ត៌ពីជនរងគ្រោះ បានឲ្យដឹងថា នៅមុនពេលកេីតហេតុនារីរងគ្រោះ ជិះម៉ូតូតែម្នាក់ឯង ម៉ាកស្កុបពី ពណ៌ខ្មៅពាក់ស្លាកលេខភ្នំពេញ-JT-4390 ចេញពីធ្វើការរោងចក្រនៅម្ដុំកំបូល ខណៈមកដល់ចំណុចកេីតហេតុក៏ឈប់រង់ចាំស្តុប ។ ស្របពេលនោះ មានជនសង្ស័យជិះម៉ូតូមួយគ្រឿង ម៉ាកហុងដាឌ្រីមសង់២០២៥ ពណ៌ខ្មៅពាក់ស្លាកលេខភ្នំពេញ1LM-9734 មកក្បែរឃើញទូរសពទូរស័ព្ទនារីរងគ្រោះដាក់ និងឃ្លុបម៉ូតូក៏ធ្វើសកម្មភាពលូកឆក់យកបានសម្រេច រួចព្យាយាមជិះរត់គេចខ្លួន ក៏មកជួបកម្លាំងនគរបាលសង្កាត់ចោមចៅ៣ កំពុងតែល្បាតនៅតាមដងផ្លូវឃើញក៏ប្រដេញតាមពីក្រោយឃាត់បានភ្លាមៗ នាំខ្លួនមកប៉ុស្តិ៍សួរនាំតែម្ដង។

ក្រោយកេីតហេតុនារីរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាល ដើម្បីសមត្ថកិច្ចកសាងសំណុំរឿងបញ្ជូនខ្លួនជនសង្ស័យខាងលើទៅកាន់ផ្នែកជំនាញព្រហ្មទណ្ឌខណ្ឌ ចាត់ការទៅផ្លូវច្បាប់ ចំណែកទូរស័ព្ទជនរងគ្រោះ ម៉ាកម៉ាក iPhone XS max ត្រូវបានសមត្ថកិច្ចប្រគល់អោយទៅជនរងគ្រោះវិញ៕

អត្ថបទ៖ សំណាង