ចន ច័ន្ទលក្ខិណា ទម្លាយរឿងអតីតតារាសម្តែងមួយរូប ធ្លាក់ខ្លួនដល់ថ្នាក់ហារសុំជំនួយពីខ្លួន ធ្វើឱ្យមហាជនសង្វេគ

មហាជនអ្នកគាំទ្រនិងអ្នកប្រើប្រាស់បណ្តាញសង្គមហ្វេសប៊ុកកំពុងមានការចែករំលែកដោយក្តីអាណិតដល់អតីតតារាសម្តែងជើងចាស់លោក ចាន់ រិទ្ធ មេធានី បន្ទាប់មានការទម្លាយថាលោកបានឆាតដើម្បីសុំជំនួយពីតារាសម្តែងអ្នកស្រី ចន ច័ន្ទលក្ខិណា ដើម្បីទិញថ្នាំព្យាបាលជំងឺ។

គិតមកដល់ពេលនេះ អតីតតារាម្តែងជើងចាស់ល្បីឈ្មោះលោក ចាន់រិទ្ធ មេធានី បានឃ្លាតឆ្ងាយពីអាជីពសិល្ប:យូរឆ្នាំមកហើយ ខណ:កន្លងមកធ្លាប់មានដំណឹងថា តារាជើងចាស់រូបនេះកំពុងមានជំងឺប្រចាំកាយទើបធ្វើឲ្យអាជីពសម្តែងត្រូវបានស្ងប់ស្ងាត់។

រឿងដែលកាន់តែចាប់អារម្មណ៍ថែមទៀត ក៏មានប្រភពពីអ្នកសិល្ប:ជិតដិតធ្លាប់បង្ហើបថា ក្រោយអាជីពសិល្ប:ត្រូវបាត់បង់ទាំងស្រុង សព្វថ្ងៃលោក ចាន់រិទ្ធ មេធានី បានប្រករបរចិញ្ចឹមជីវិតដោយការរត់កង់បី។ ម្យ៉ាងទៀត លោកត្រូវចំណាយផងដែរ លើការទិញថ្នាំដើម្បីព្យាបាលជំងឺប្រចាំកាយ។

តួយ៉ាងអ្នកស្រី ចន ច័ន្ទលក្ខិណាបានសរសេរសំណេរភ្ជាប់ខ្លឹមសារឆ្លើយឆ្លងថាហ៊ឺម ..បងអើយបង ! បងព្យាយាមឆាតទៅពឹងគេ ផ្តាំតាមគេឱ្យជួយប្រាប់ប្អូន បងហៅខ្ញុំអ្នកម្តាយអ៊ីចឹង បាបប្អូនណាស់បង ! ប្អូនជួយតាមលទ្ធភាព ព្រោះឥឡូវប្អូនត្រូវការប្រឹងរកស៊ី ដើម្បីជីវភាពផ្ទាល់ខ្លួន ប្អូនមិនអាចចេះតែជួយយកអាសាគេរហូតភ្លេចជួយខ្លួនឯងដូចមុនទេ។ ប្អូនជូនពរបងឆាប់ជានិងមានសុខភាពល្អ កម្លាំងមាំមួន»។

គួររំលឹកថាលោក ចាន់ រិទ្ធមេធានី ធ្លាប់ផ្តល់បទសម្ភាសកន្លងមកថា សព្វថ្ងៃក្រៅពីបាត់បង់អាជីពសិល្ប: លោកប្រកបរបររត់Pass appដើម្បីចិញ្ចឹមជីវិត និងត្រូវទិញថ្នាំលេបជាប្រចាំថ្ងៃ ចំណែកឯរឿងគ្រួសារក៏បានចែកផ្លូវគ្នារស់នៅរៀងខ្លួនដោយលោកមិនចង់ឲ្យអតីតភរិយាពិបាកជាមួយលោក ដូច្នេះហើយទើបលោកសម្រេចចិត្តសុំចុះចេញតែម្តង៕ ចាន់រ៉ា