ថៃ កើតបាតុភូត ព្យុះប្រមោយដំរីដ៏កម្រ 

ព្យុះប្រមោយដំរីដ៏កម្រមួយបានបង្ហាញវត្តមាននៅក្បែរកោះ Khai Nok និង Khai Nai ដែលជាព្រំប្រទល់រវាងខេត្ត Phuket និង Phang Nga នៃប្រទេសថៃ ដោយបង្កការភ្ញាក់ផ្អើលយ៉ាងខ្លាំង ដល់ថ្នាក់មន្ត្រីមូលដ្ឋានចេញការព្រមានឲ្យទេសចរនិងអ្នកនេសាទ ត្រូវប្រយ័ត្នខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Thaiger, បាតុភូតធម្មជាតិនេះកើតឡើងនៅព្រឹកថ្ងៃសុក្រទី៣០ខែឧសភាឆ្នាំ២០២៥ ដោយព្យុះវាយប្រហាររយៈពេល១០ទៅ១៥នាទី ជាមួយនឹងកម្លាំងដ៏ខ្លាំងលើផ្ទៃសមុទ្រ។

ទោះបីជាយ៉ាងណាក៏ដោយ មិនមានសេចក្តីរាយការណ៍អំពីការខូចខាតឬមនុស្សរងរបួសអ្វីទេ ប៉ុន្តែអាជ្ញាធរបានចេញការព្រមានឲ្យគ្រប់គ្នាត្រូវប្រយ័ត្នខ្លួនជានិច្ច ព្រោះអាចមានលទ្ធភាពដែលព្យុះនេះនឹងកើតឡើងជាបន្តទៀត នាពេលខាងមុខ។

ដូច្នេះហើយ មន្ត្រីពាក់ព័ន្ធ បានសេចក្តីសេចក្តីណែនាំនិងអំពាវនាវឲ្យទេសចរឬអ្នកចេញទូក ត្រូវតាមដានព័ត៌មានអាកាសធាតុ និងកុំធ្វើដំណើរតាមផ្លូវទឹកឲ្យសោះ បើមើលទៅមេឃមិនស្រួល៕

អត្ថបទ៖ សុខ សុវណ្ណ

ចុចអាន៖ បាងកក ប្រឈមគ្រោះទឹកជំនន់