សេដ្ឋកិច្ច
ឈ្មួញចិន ម៉ៅចម្ការទុរេនបែកអន្លូង ២ ចម្ការ
ក្រុមហ៊ុនចិនមួយ បានចុះកិច្ចសន្យា ម៉ៅចម្ការទុរេនចំនួន ២ ក្នុងសហគមន៍បែកអន្លូង ខណៈចម្ការទុរេនក្នុងសហគមន៍បែកអន្លូងមួយចំនួនកំពុងស្នើសុំវិញ្ញាបនបត្រ នៃការអនុវត្តកសិកម្មល្អកម្ពុជា (CamGAP)។
លោក ហេង ឆេងលី ប្រធានសហគមន៍ទុរេនបែកអន្លូង ប្រាប់កម្ពុជាថ្មីនៅថ្ងៃទី ១២ ខែមិថុនា ឆ្នាំ ២០២៥ថា ក្រុមហ៊ុន ចិនដែលបានបោះទីតាំងនៅស្រុកមេមត់ ខេត្តត្បូងឃ្មុំ បានម៉ៅចម្ការចំនួន ២ ក្នុងសហគមន៍របស់លោក ដែលចម្ការមួយមានទុរេន ២៥០០ ដើម និងចម្ការមួយទៀតប្រមាណ ១៥ តោន ប៉ុន្តែលោកមិនបានដឹងថា ក្រុមហ៊ុនទិញសម្រាប់នាំចេញទៅប្រទេសចិន ឬយ៉ាងណានោះទេ។
លោក ហេង ឆេងលីបន្ថែមថា៖ «មានក្រុមហ៊ុនចិនបានទិញពីចម្ការសហមន៍យើងដែលយើងធ្វើកុងត្រា ប៉ុន្តែគេទិញនាំចេញទៅណាខ្ញុំអត់ទាន់ដឹងទេ កក់លុយហើយគ្រោងកាត់មួយថ្ងៃ ពីរថ្ងៃទៀត ចម្ការធំ ២៥០០ ដើម និងតូច ចំនួន ១៥ តោន ដែលទិញក្នុងតម្លៃចន្លោះពី ១១០០០-១២០០០ រៀល ក្នុងមួយគីឡូក្រាម»។
សហគមន៍កសិកម្មទុរេនបែកអន្លូងស្ទឹងត្រង់ នៅខេត្តកំពង់ចាម មានចម្ការចំនួន ៩៥ ចម្ការ និងមានផ្ទៃដីដាំដុះដំណាំទុរេនជិត ៥០០ហិកតា ដែលមានសមត្ថភាពផ្គត់ផ្គង់ទុរេនប្រមាណ ២ ៥០០ តោន ក្នុងមួយឆ្នាំ។
យោងតាមក្រសួងកសិកម្ម គិតត្រឹមឆ្នាំ ២០២៤ កម្ពុជាមានផ្ទៃដីដាំដុះទុរេនជាង ៩ ពាន់ហិកតា ក្នុងនោះផ្ទៃដីអាចប្រមូលផលបាន ៥ ពាន់ហិកតា ដែលផ្ដល់ទិន្នផលប្រមាណ ៨ ម៉ឺន ២ ពាន់តោន៕
អត្ថបទ៖ ឡេង ដេត
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ