ព័ត៌មានអន្ដរជាតិ
ហ្វីលីពីន រកឃើញអ្នកឆ្លងកូវីដខ្ពស់បំផុតមិនធ្លាប់មានជាង ១៥,០០០ ករណីក្នុងរយៈពេល ២៤ ម៉ោងចុងក្រោយ
ប្រទេសហ្វីលីពីនបានរាយការណ៍កាលពីថ្ងៃសុក្រពីករណីឆ្លងថ្មីនៃជំងឺកូវីដ ១៩ ចំនួន ១៥,៣១០ ករណីដែលជាតួលេខមួយខ្ពស់បំផុតនៅក្នុងតំបន់ ចាប់តាំងពីមានរោគរាតត្បាតរាតត្បាត ហើយបានធ្វើឲ្យចំនួនករណីឆ្លងសរុបនៃប្រទេសនេះឡើងដល់ ៧៧១,៤៩៧ ករណី ។
ទន្ទឹមនោះប្រទេសនេះក៏បានប្រកាសពីអ្នកស្លាប់ថ្មីចំនួន ១៧ នាក់ផងដែរដែលនាំឲ្យមានអ្នកស្លាប់សរុបឡើងដល់ទៅ ១៣,៣២០ នាក់ ។
ក្រសួងសុខាភិបាលបាននិយាយថា ករណីឆ្លងថ្មីដែលត្រូវបានរាយការណ៍កាលពីថ្ងៃសុក្រមានការកើនឡើងចំនួន ៣,៧០៩ ករណី ខណៈកំណត់ត្រាមុនគឺមានតែជាង ១០,០០០ ករណីថ្មីប៉ុណ្ណោះ ។
ប្រទេសហ្វីលីពីនគឺជាប្រទេសមួយក្នុងចំណោមប្រទេសចំនួន ៤ រួមជាមួយប្រទេសបង់ក្លាដែស កេនយ៉ា និងប៉ាគីស្ថាន បានបន្ថែមទៅក្នុងបញ្ជីក្រហមរបស់អង់គ្លេសកាលពីថ្ងៃសុក្រ ។ ប្រជាជនដែលមកពីប្រទេសក្នុងបញ្ជីនេះត្រូវហាមឃាត់មិនឲ្យចូលប្រទេសអង់គ្លេសលើកលែងតែពួកគេជាជនជាតិអង់គ្លេស ឬអៀរឡង់ ខណៈការហាមឃាត់នេះចូលជាធរមានចាប់ពីម៉ោង ៤ ព្រឹកថ្ងៃទី ៩ ខែមេសា ។
បន្ថែមពីនេះទីក្រុងម៉ានីល និងខេត្តដែលជាប់ទីក្រុងចំនួន ៤ ដែលប្រារព្ធពិធីបុណ្យ Good Friday ក្រោមការបិទទ្វារយ៉ាងតឹងរ៉ឹង ខណៈរដ្ឋាភិបាលហ្វីលីពីនកំពុងញាប់ដៃញាប់ជើងទប់ស្កាត់ការកើនឡើងនៃករណីឆ្លងជំងឺកូវីដ ១៩ ។
ស្របពេលជាមួយគ្នានេះអ្នករស់នៅក្នុងតំបន់រដ្ឋធានី និងខេត្ត Bulacan ខេត្ត Cavite ខេត្ត Laguna និង ខេត្ត Rizal ត្រូវស្ថិតនៅក្រោមបម្រាមគោចរចាប់ពីម៉ោង ៦ ល្ងាចដល់ម៉ោង ៥ ព្រឹក ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ជាលើកដំបូងហើយ ហ្វីលីពីន រកឃើញអ្នកឆ្លងកូវីដប្រចាំថ្ងៃលើស ១ ម៉ឺនករណី
ចុចអាន ៖ ហ្វីលីពីន បំបែកកំណត់ត្រាថ្មីមានអ្នកឆ្លងកូវីដជិត ១ ម៉ឺនករណីក្នុងរយៈពេល ២៤ ម៉ោងចុងក្រោយ
-
ព័ត៌មានជាតិ១ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៥ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៣ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៣ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៥ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ៣ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
សេដ្ឋកិច្ច៥ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៤ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ