ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ

ថៃកំពុងភ័យខ្លួនហើយ ករណីប្តឹងកម្ពុជាទៅអង្គការសហប្រជាជាតិ ក្នុងសំណុំរឿងទាហានខ្លួនជាន់មីន ដោយរដ្ឋមន្ត្រីស្តីទីក្រសួងការពារជាតិថៃ ណាត់ថាផន ណាក់ផានិត (Nattapol Nakphanit) និយាយថា «ប្រសិនបើយើងមិនរៀបចំសំណុំរឿងឲ្យបានហ្មត់ចត់និងដាក់ព័ស្តុតាងច្បាស់ៗទេនោះ តុលាការអន្តរជាតិនឹងមិនទទួលយកពាក្យបណ្តឹងឡើយ ហើយសំណុំរឿងនឹងត្រូវទម្លាក់ចោល។ ម្យ៉ាងលោកកំពុងបារម្ភយ៉ាងខ្លាំងថា បើសំណុំរឿងត្រូវទម្លាក់ចោលមែន នោះកម្ពុជាអាចវាយបកវិញ ហើយថៃនឹងបាត់បង់ភាពជឿជាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថ្លែងបែបនេះទៅកាន់អ្នកសារព័ត៌មានថៃ នៅថ្ងៃចន្ទទី២១ខែកក្កដាឆ្នាំ២០២៥ ស្របពេលថៃកំពុងរៀបចំឯកសារដើម្បីប្តឹងកម្ពុជាទៅស្ថាប័នអន្តរជាតិ ដោយចោទទាំងងងើលថា កម្ពុជាជាអ្នកដាក់មីនថ្មីរំលោភអនុសញ្ញាទីក្រុងអូតាវ៉ា បណ្តាលឲ្យទាហានខ្លួន៣នាក់របួស ក្នុងនោះម្នាក់របួសធ្ងន់ត្រូវដាច់ជើង។

តុលាការអន្តរជាតិមានលក្ខខណ្ឌតឹងរ៉ឹងណាស់សម្រាប់ការទទួលយកសំណុំរឿង។ ភាគីដែលប្តឹងត្រូវតែមានព័ស្តុតាងរឹងមាំនិងមិនអាចប្រកែកបាន ដើម្បីបញ្ជាក់ពីការរំលោភបំពាន ហើយត្រូវបង្ហាញថា ខ្លួនមានដែនសមត្ថកិច្ចក្នុងការប្តឹង។

លោកនៅតែអះអាងថា ទាហានទាំង៣គឺជាន់មីននៅក្នុងដីថៃ ដែលជាមីនកម្ពុជាលួចបង្កប់ ហើយមុននេះដែរ ថៃថែមទាំងស្នើឲ្យអាស៊ាននិងប្រទេសដទៃទៀត រួមគ្នាថ្កោលទោសកម្ពុជាទៀតផង។

ដ្បិតក្រសួងការពារជាតិកម្ពុជា លាតត្រដាងការពិតរួចហើយថា ទាហានទាំងនោះគឺល្បាតនៅតំបន់មុំ៣ក្នុងដីខ្មែរទេ ដោយដើរខុសតម្រាយផ្លូវចាស់ និងមិនគោរពអ្វីដែលធ្លាប់ឯកភាពគ្នា៕

អត្ថបទ៖ សុខ សុវណ្ណ

ចុចអាន៖ ចេះហាមាត់ទៅរួច! ទេសចរខ្មែរទៅលេងប្រាសាទខ្មែរ តែមេភូមិភាគ២ថៃ សុំឲ្យគោរពច្បាប់ថៃ