អ្នកឧកញ៉ា ឡេង ណាវ៉ាត្រា៖គិតត្រឹមថ្ងៃទី១០ ខែវិច្ឆិកា ក្រុមហ៊ុន ដោះស្រាយ និងសាងសង់បញ្ចប់បានចំនួន ២០០៦ផ្ទះ ចំណែកផ្ទះដែលនៅ នឹងបញ្ចប់បន្តបន្ទាប់ ជូនអតិថិជន

អ្នកឧកញ៉ា ឡេង ណាវ៉ាត្រា បានបង្ហាញពីវឌ្ឍនភាពនៃគម្រោង បុរី ឡេង ណាវ៉ាត្រា ផ្លូ៦A ដែលបានដោះស្រាយរួចរាល់ជាមួយអតិថិជន និងបានកំពុងសាងសង់រាប់ពាន់ល្វែង។

អ្នកឧកញ៉ាបានសង្កត់ធ្ងន់ថា ៖«វឌ្ឍនភាពដំណើរការនៃការសាងសង់គម្រោងបុរី ឡេង ណាវ៉ាត្រា 6A គិតត្រឹមថ្ងៃទី១០ខែវិច្ឆិកា ឆ្នាំ ២០២៤ នេះ គឺបានដោះស្រាយ និងសាងសង់បញ្ចប់បានចំនួន ២០០៦ ផ្ទះ និងផ្ទះដែលមិនទាន់បញ្ចប់គឺកំពុងខិតខំរកដំណោះស្រាយដើម្បីអាចសាងសង់បញ្ចប់ជាបន្តបន្ទាប់។»។

ចំពោះបណ្ណកម្មសិទ្ធិក្រុមហ៊ុនបានដោះស្រាយជាមួយភាគីដែលពាក់ព័ន្ធ ជាពិសេសក្រសួងរៀបចំដែនដី បានជួយសម្របសម្រួល បច្ចុប្បន្នបណ្ណកម្មសិទ្ធិបានតម្កល់នៅក្រសួងស្ទើរទាំងស្រុង។

សូមបញ្ជាក់ថា គម្រោង បុរី ឡេង ណាវ៉ាត្រា ផ្លូវ6A បើទោះមានភាពយឺតយ៉ាវខ្លះសម្រាបអតិថិជន ក៏ប៉ុន្តែអ្នកឧកញ៉ា ឡេង ណាវ៉ាត្រា និងក្រុមការងារសាងសង់នៅតែបន្តយ៉ាងសកម្ម ដើម្បីពន្លឿនការសាងសង់ជូនដល់អតិថិជនរបស់ខ្លួន៕

សូមស្ដាប់ការ ការបង្ហាញរបស់ អ្នកឧកញ៉ា ឡេង ណាវ៉ាត្រា ទាំងអស់គ្នា