វប្បធម៌ ជំនឿ

ហុងស៊ុយទម្រង់មុខ ៣ ប្រភេទ វាសនាចារមកថា ជា មហាសេដ្ឋី ទៅថ្ងៃមុខ

បានផុស

៤ years មុន

នៅ

ថ្ងៃពុធ ២៦ មករា ២០២២

ដោយ

តើសញ្ញានៃរូបរាងកាយទូទៅអ្វីខ្លះ ដែលបង្ហាញថា មនុស្សម្នាក់នោះមានវាសនាក្លាយជាមនុស្សល្បីល្បាញ និងជាអ្នកមានបាន? មានភាពស្រដៀងគ្នារបស់មហាសេដ្ឋីជុំវិញពិភពលោក ជាញឹកញាប់ ទម្រង់មុខរាងកាយរបស់ពួកគេ គឺតំណាងឲ្យអ្វីដែលមានក្នុងជីវិតរស់នៅ។

យោងទៅតាមក្បួនពីបុរាណ សញ្ញាលើរាងកាយចំនួន ៣ ប្រភេទ ចំពោះមនុស្សដែលអាចមានវាសនាក្លាយជាអ្នកមាន គឺមានដូចជា៖

១. ទម្រង់មុខមានរាងការ៉េ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទម្រង់មុខដែលតំណាងឲ្យទ្រព្យសម្បត្តិគឺមុខរាងការ៉េ។ នេះមានន័យថា ផ្ទៃមុខមានទទឹងស្មើគ្នាចាប់ពីថ្ងាសរហូតដល់ថ្គាម។ នេះក៏ព្រោះតែមុខមាត់តំណាងឲ្យជីវិត ហើយរូបរាង បង្ហាញពីលក្ខណៈទូទៅនៃជីវិត និងការឡើងចុះនៃភាពមានបានរបស់គេ ។

នៅក្នុងរូបវិទ្យា រាងចតុកោណមួយ ត្រូវបានផ្សារភ្ជាប់ជាមួយនឹងធាតុឈើ រឹងមាំ អាចបត់បែនបាន និងលូតលាស់តាមពេលវេលា។ ចំណែកឯរាងការ៉េ តំណាងឲ្យផែនដីដែលរឹងមាំ និងមានស្ថិរភាពជាប់គ្នា។ ធាតុទាំងពីរនេះ គឺជាធាតុរឹងមាំ និងមានស្ថិរភាព ដែលត្រូវបានផ្សារភ្ចាប់គ្នា។

២. ចង្កាមូលមានសាច់ពេញនិងលេចធ្លោ

មហាសេដ្ឋីភាគច្រើនតែងមានចង្កាមូល និងលេចធ្លោជាពិសេស។ ចង្កាជានិមិត្តរូបនៃឆ្នាំជីវិតរបស់មនុស្ស។ ចង្កាដែលមានសាច់ពេញមើលទៅរឹងមាំ គឺជាសញ្ញានៃទ្រព្យសម្បត្តិក្នុងវ័យចំណាស់។

៣. ច្រមុះស្រួច

លក្ខណៈសរីរវិទ្យាទូទៅមួយផ្សេងទៀត សម្រាប់អ្នកដែលអាចក្លាយជាអ្នកមានបំផុតនៅលើពិភពលោក គឺច្រមុះមានរាងស្អាតឬស្រួច។ ច្រមុះតំណាងឲ្យទាំងការងារនិងទ្រព្យសម្បត្តិ ក្នុងអំឡុងពេលពាក់កណ្ដាលជីវិត។ មនុស្សដែលមានច្រមុះបែបនេះ ភាគច្រើនមានទ្រព្យស្តុកស្ដម្ភ ដោយសារតែសមត្ថភាពពិសេសរបស់ពួកគេ ក្នុងការធ្វើអ្វីពិសេសដែលត្រូវការជំនាញខ្ពស់៕

គ្រូ ណុប

ចុចអាន៖សុបិន ៦ យ៉ាង កំពុងបញ្ជាក់ហេតុការណ៍ក្នុងជីវិតពិត និងមិនគួរព្រងើយកន្តើយដាច់ខាត

ចុចអាន៖ជណ្ដើរក្នុងសុបិន ទាក់ទងនឹងស្ថិរភាពការងារបច្ចុប្បន្ន