Connect with us

វប្បធម៌ ជំនឿ

សុបិន ​៦ យ៉ាង​ កំពុងបញ្ជាក់​ហេតុការណ៍​ក្នុង​ជីវិត​ពិត​ និងមិន​គួរ​ព្រងើយ​កន្តើយដាច់ខាត

បានផុស

នៅ

ជា​ញឹកញាប់ ​សុបិន​តែង​កើតមាន​ក្នុង​ពេល​ដែល​អ្នក​គេងលក់ ​ហើយ​វា​តែងតែ​បង្ហាញ ​ជាសញ្ញា​ដែល​ចង់​បញ្ជាក់​ន័យ​អ្វីមួយ​ ដល់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះសុបិនឃើញហេតុភេទអ្វីក៏ដោយ យើងក៏ត្រូវដឹងឲ្យច្បាស់ពីជំនឿក្នុងយល់សប្តិ ក្រែងជាប្រផ្នូលចង់ប្រាប់រឿងអ្វីមួយ មិនថា​ល្អឬអាក្រក់ឡើយ។ ខាងក្រោម គឺ​ជាសុបិន ៦ យ៉ាង ​ដែល​​ត្រូវយល់ពីអត្ថន័យឲ្យបានច្បាស់លាស់​ ៖

១. សុបិន​ឃើញ​បាត់បង់ ​ឬ​ជាប់​ក្នុង​កន្លែង​ណា​មួយដែលយើងមិនស្គាល់

ការ​វង្វេង​បាត់ ​ឬ​ជាប់​អន្ទាក់​ ជា​ធម្មតា​មាន​ន័យ​ថា ​អ្នក​មិន​ប្រាកដ​អំពី​អ្វី​ដែល​ត្រូវ​ធ្វើជាក់លាក់ ​​នៅ​ក្នុង​ជីវិត​ពិត។ មនុស្ស​ដែល​សុបិន​អំពី​ការ​បាត់​ខ្លួន​នៅ​ក្នុង​ព្រៃ​ អាគារ​ធំៗ ឬ​រចនា​សម្ព័ន្ធ​ដូច​ផ្ទាំង​គំនូរ ​ជា​ទូទៅ​​ តែង​ឆ្លុះ​បញ្ចាំង​ពី​បន្ទុក​ផ្លូវ​ចិត្ត​ រាង​កាយ ​ហិរញ្ញវត្ថុ​ ឬ​អារម្មណ៍​ដែល​ពួកគេ​កំពុង​ជួប​ប្រទះ​នៅ​ក្នុង​ជីវិត​ពិត។

២. ខកខាន​ឱកាស​ណាមួយ

តើ​អ្នក​ធ្លាប់​សុបិន​អំពី​ការ​ដឹកជញ្ជូន​សាធារណៈ​ ហើយ​បាត់​របស់ ​ឬ​ក៏​ត្រូវឡាន​ក្រុង ​រថភ្លើង​ ​ឬ​តាក់ស៊ី​ចេញ​ចោល​ដែរ​ទេ? ជារឿយៗ​មនុស្ស​ដែល​សុបិន​អំពី​រូបភាព​បែបនេះ ​គឺ​តែង​តែង​ផ្សារ​ភ្ជាប់​នឹង​​ទំនោរ​ទៅ​រក​ជីវិត​ពិត​របស់​ពួកគេ។ សុបិន​នេះ​ អាច​ឆ្លុះ​បញ្ចាំង​ពី​ការ​សោកស្ដាយ​ ដែល​ពួកគេ​មាន​ ហើយ​មិន​បាន​ដើរ​តាម​អ្វី​ដែល​អ្នក​ចង់​បាន។

៣. ឃើញ​រថយន្ត​

មនុស្ស​ដែល​សុបិន​អំពី​ហេតុការណ៍​ទាំងនេះ ​​ជា​ធម្មតា​តែង​ឃើញ​ខ្លួន​ឯង​នៅ​ក្នុង ​ឬ​ក្បែរ​រថយន្ត។ ពួកគេ​អាច​ជា​អ្នក​បើកបរ ​ឬ​ជា​អ្នក​ដំណើរ​ នៅ​ពេល​ដែល​ពួកគេ​ជួប​ប្រទះ​នូវ​ការ​ជាន់​ហ្វ្រាំង ​កង់​ឡាន​ ឬ​ក៏​ត្រូវ​បាន​បុក​ដោយ​ឡាន​ផ្សេង​ទៀត។ នៅ​ក្នុង​ជីវិត​ពិត​ ជា​ធម្មតា​មាន​ន័យ​​​ថា​ ពួកគេមិន​បាន​គ្រប់គ្រង​លើ​ស្ថានភាព​ណាមួយ​ ឬ​អ្នក​អាច​ឈាន​ទៅ​រក​បញ្ហា​នា​ពេល​អនាគត មើលមិនឃើញ ។

៤. បរាជ័យ​តេស្ត​អ្វី​មួយ

ហេតុការណ៍​នៃ​សុបិន ​ទូទៅ​រួមមាន​​មាន​បញ្ហា​ក្នុង​ការ​ស្វែង​រក​បន្ទប់​ប្រឡង​ ដោយ​មិន​បាន​ត្រៀម​ទុកមុន ​ពី​កង្វះ​ការ​សិក្សា​ឬ​បាត់​ឧបករណ៍​ដើម្បី​បញ្ចប់​វា។ នេះ​ចង់​បញ្ជាក់​ថា ​អ្នក​កំពុង​មាន​អារម្មណ៍​ដូច​ត្រូវ​បាន​គេ​សាកល្បង​នៅ​ក្នុង​ជីវិត​ពិត​ ដែល​ធ្វើ​ឲ្យ​អ្នក​ព្រួយ​បារម្ភ​អំពី​អនាគតនាពេលខាងមុខនេះ។

៥. ត្រូវ​បាន​គេ​ដេញ ឬមានសត្វដេញពីក្រោយ

នេះ​គឺ​ជា​សុបិន​ទូទៅ ​ដែល​មនុស្ស​មាន​ការ​ថប់បារម្ ភ​តែងតែ​សុបិន​ញឹក​ជាង​គេ។ ជា​ធម្មតា​ពួកគេ​សុបិន​ឃើញ ​ត្រូវ​បាន​ដេញ​ ដោយ​សត្វ​ មនុស្ស​ ឬ​អ្វី​មួ​យ​ដែល​អ្នក​មិន​​ស្គាល់​ ហើយ​ធ្វើ​ឲ្យ​អ្នក​ភ័យ។ នៅ​ក្នុង​ជីវិត​ពិត​វា​មាន​ន័យ​ថា​ អ្នក​កំពុង​ព្យាយាម​រត់​ចេញ​ពី​ស្ថានភាព​ជាក់លាក់​មួយ ​ឬ​វា​អាច​ជា​អារម្មណ៍​ដែល​អ្នក​ត្រៀម​ខ្លួន ​ប្រឈមមុខ​នឹង​បញ្ហា​នេះ​ មិន​ថា​វា​ជា​ការ​សោកសៅ​ ឬ​ការ​បែកបាក់​គ្នា។

៦. ធ្លាក់​ឬ​លិច​ចូល​ទៅ​កន្លែង​ណា​មួយ

មនុស្ស​ដែល​សុបិន​​ពី​ហេតុការណ៍​​ដូចជា ​ពួកគេ​ធ្លាក់​ពី​អាគារ​ខ្ពស់ ​ឬ​លិច​ចូល​ក្នុង​មហាសមុទ្រ នោះ​មាន​ន័យ​ថា​ ពួកគេ​មាន​អារម្មណ៍​អស់​សង្ឃឹម ​និង​ធុញទ្រាន់នៅក្នុងជីវិតសព្វថ្ងៃនេះ ​ឬ​មិន​ពេញចិត្ត​នឹង​កន្លែង​ ដែល​​កំពុង​រស់​នៅជាដើម៕

គ្រូ ណុប

ចុចអាន៖ត្រីមាស ក្នុងសុបិន មនុស្សនៅលីវនឹងជួបស្នេហាសមប្រកប ចំណែកកិច្ចការក៏រលូន

ចុចអាន៖ជណ្ដើរក្នុងសុបិន ទាក់ទងនឹងស្ថិរភាពការងារបច្ចុប្បន្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៥ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៥ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៦ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៦ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម