សេដ្ឋកិច្ច
ជើងហោះហើររវាងខេត្តសៀមរាប និងហូជីមិញបើកដំណើរការឡើងវិញហើយ
ក្រោយផ្អាកដំណើរការជើងហោះហើរអស់ពេលជាច្រើនខែ ដោយសារវិបត្តិកូវីដ-១៩ នៅពេលនេះ ជើងហោះហើររវាងខេត្តសៀមរាប និងក្រុងហូជីមិញ បានប្រកាសបើកដំណើរឡើងវិញហើយ។ នេះបើតាមការប្រកាសរបស់ក្រុមហ៊ុន កម្ពុជា អង្គរអ៊ែរ នៅថ្ងៃនេះ។
ក្រុមហ៊ុន កម្ពុជា អង្គរអ៊ែរ បានឱ្យដឹងដូច្នេះថា« ជើងហោះហើររវាងខេត្តសៀមរាប និងហូជីមិញត្រឡប់មកវិញហើយ… ក្រុមហ៊ុនអាកាសចរណ៍កម្ពុជា អង្គរអ៊ែរ ដែលជាក្រុមហ៊ុនអាកាសចរណ៍ក្នុងស្រុក បានបើកដំណើរការជើងហោះហើរអន្តរជាតិរបស់ខ្លួនឡើងវិញ ដែលតភ្ជាប់រវាងសៀមរាប និងហូជីមិញ ដែលគ្រោងហោះហើរជារៀងរាល់ថ្ងៃពុធ សុក្រ និងថ្ងៃអាទិត្យ»។
ការបើកជើងហោះហើរឡើងវិញនេះ គឺជាសញ្ញាវិជ្ជមាន រវាងកម្ពុជា និងអន្តរជាតិ ដែលអាចស្រូបទាញភ្ញៀវទេសចរបរទេសចូលមកកម្ពុជា កើនឡើងតាមរយៈវិស័យទេសចរណ៍។
កំណើនជើងហោះហើរ បានចាប់ផ្តើមកើនឡើងវិញ ដោយមួយសប្តាហ៍កម្ពុជា មានការហោះចូលប្រមាណ ៤០០ជើង នៅក្នុងខែមិថុនានេះ។ នេះបើតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា នៅក្នុងពិធីមួយកាលពីថ្ងៃទី ១៣ ខែ មិថុនា។
ពាក់ព័ន្ធនឹងកំណើនជើងហោះហើរនេះ លោក ស៊ិន ចាន់សេរីវត្ថា អ្នកនាំពាក្យអាកាសចរណ៍ស៊ីវិលកម្ពុជា បានប្រាប់កម្ពុជាថ្មីថា « ជើងហោះហើរកើនឡើងនៅក្នុងតំបន់អាស៊ាន ដូចជា វៀតណាមកាលពីមុនមិនមានជើងហោះចូលមក ប៉ុន្តែឥឡូវចាប់ផ្តើមហោះហើរចូលមកបណ្តើរៗ, សាំងកាពួរពីមុនមួយអាទិត្យ ៦ជើង ឥឡូវឡើង ១៩ជើង, បាងកកពីមុន ៦ជើង ឥឡូវ ២០ជើង»។
មន្រ្តីជាន់ខ្ពស់អាកាសចរណ៍ស៊ីវិល បានឱ្យដឹងទៀតថា គិតត្រឹមខែ ឧសភា ឆ្នាំ ២០២២ អ្នកដំណើរដែលចេញចូលអាកាសយានដ្ឋានទាំងបីព្រលាន មានដូចជា ព្រលានយន្តហោះភ្នំពេញ ព្រលានយន្តហោះខេត្តសៀមរាប និងក្រុងព្រះសីហនុ មានចំនួន ១៦៣,០៤៨នាក់ ក្នុងនោះជើងហោះហើរមានចំនួន ២,០១៤ជើង។ ពោលគឺមានការកើនឡើងជាង ៧៧៥,១៩ភាគរយ បើធៀបនឹងរយៈពេលដូចគ្នា គិតត្រឹមខែ ឧសភា ឆ្នាំ ២០២២ ទៅនឹងរយៈពេលដូចគ្នាពីខែមករា ដល់ខែ ឧសភា ឆ្នាំ២០២១។ រីឯជើងហោះហើរ នៅក្នុងខែ ឧសភា ឆ្នាំ ២០២២ មានការកើនឡើង ១២៨,៦០ភាគរយ បើធៀបនឹងមួយខែ ឧសភា ឆ្នាំ ២០២១។
យោងតាមរបាយការណ៍ក្រសួងទេសចរណ៍ បានបង្ហាញថា ជារៀងរាល់សប្តាហ៍ កម្ពុជាទទួលបានភ្ញៀវទេសចរជាតិ និងអន្តរជាតិ សរុបប្រមាណពីជាង ២០ម៉ឺន ទៅជាង ៣០ម៉ឺននាក់ នៅទូទាំងប្រទេស៕ ទួន សុផល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត