ព័ត៌មានជាតិ
សេដ្ឋកិច្ចកម្ពុជា រំពឹងងើបឡើងវិញជាង ៤ % នៅឆ្នាំ ២០២១
កំណើនសេដ្ឋកិច្ចកម្ពុជា រំពឹងថានឹងងើបឡើងវិញដល់ ៤ ភាគរយនៅឆ្នាំ ២០២១ នេះ បន្ទាប់ពីធ្លាក់ចុះ ជាង ៣ ភាគរយ(-៣,១%) នៅឆ្នាំ ២០២០ដោយសារតែវិបត្តិនៃជំងឺកូវីដ១៩។
ថ្លែងនៅក្នុងវេទិការសាធារណៈ ស្តីការផ្សព្វផ្សាយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ នៅថ្ងៃទី ២៦ ខែមករានេះ លោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ បានថ្លែងថា សេដ្ឋកិច្ចកម្ពុជា អាចនឹងមានកំណើនដល់ ៤% នៅឆ្នាំ ២០២១នេះ ដោយសារការងើបឡើងវិញគ្រប់វិស័យទាំងអស់ ខណៈដែលវិស័យទេសចរណ៍កំពុងស្ថិតក្នុងភាពមិនប្រាកដប្រជា។
លោកថ្លែងថា នៅឆ្នាំ ២០២១ កម្ពុជាមានឱកាសទីផ្សាររីកធំជាងមុន ដូចជាពាណិជ្ជកម្មសេរី ជាមួយប្រទេសចិន(FTA) ការរក្សាបានក្នុងការគ្រប់គ្រងនិងទប់ស្កាត់ជំងឺឆ្លងកូវីដ១៩ ការកែទម្រង់បង្កើនភាពប្រកួតប្រជែង និងមានច្បាប់វិនិយោគថ្មី និងការចាក់វ៉ាក់សាំងជាដើម ទាំងនេះជាហេតុផល ដែលធ្វើឲ្យសេដ្ឋកិច្ចងើបឡើងវិញ។
លោករដ្ឋលេខាធិការក្រសួងសេដ្ឋកិច្ចរូបនេះឲ្យដឹងថា ការធ្លាក់ចុះសេដ្ឋកិច្ចកម្ពុជាក្នុងឆ្នាំ ២០២០ ស្ថិតក្នុងរង្វង់ -៣,១ ភាគរយ ខណៈដែលធនាគារ និងស្ថាប័នហិរញ្ញវត្ថុធំៗ ព្យាករណ៍ថា សេដ្ឋកិច្ចកម្ពុជា នឹងធ្លាក់ចុះក្នុងរង្វង់ដល់ ៤ ទៅ ៥ ភាគរយនៅឆ្នាំ ២០២០ ដោយសារតែជំងឺកូវីដ១៩។
លោក វង្សី វិស្សុត បញ្ជាក់ថា ការមិនធ្លាក់ចុះខ្លាំងដូចការព្យាករណ៍របស់ស្ថាប័នអន្តរជាតិទាំងនោះ ដោយសារការអន្តរាគមនរបស់រដ្ឋាភិបាលមានប្រសិទ្ធភាព ដូចជាការទប់ស្កាត់ការឆ្លងរាលដាលនៃកូវីដ១៩ទាន់ពេលវេលា ការបន្ធូបន្ថយពន្ធ ការផ្តល់ជំនួយសាច់ប្រាក់ជាដើម។
នៅឆ្នាំ ២០២០ ឧស្សាហកម្មកាត់ដេរ ធ្លាក់ចុះ ៤ ភាគរយ ហើយការនាំចេញវិស័យកាត់ដេរ ធ្លាក់ ១០ ភាគរយ។ ក្រៅពីនេះវិស័យផ្សេងបែរជាកើនឡើងដល់ ២៦ ភាគរយ ពោលគឺ ការនាំចេញរបស់កម្ពុជា ធ្លាក់តែ១ ភាគរយទេ នៅឆ្នាំ ២០២០។
បើតាមលោករដ្ឋលេខាធិការក្រសួងសេដ្ឋកិច្ចរូបនេះ ឲ្យដឹងទៀតថា ទំនិញដែលនាំចេញមានការកើនឡើងក្រៅពីសំលៀកបំពាក់មានដូចជា គ្រឿងអេឡិចត្រូនិក គ្រឿងសង្ហារឹម កង់ វិស័យកសិកម្ម និងសម្ភារៈជាច្រើនទៀត។
លោកប្រាប់ថា កម្លាំងផលិត និងនាំចេញរបស់កម្ពុជានៅខ្លាំងណាស់ ប្រសិនបើសេដ្ឋកិច្ច ពិភពលោកងើបឡើងវិញភ្លាម សមត្ថភាពនៃការនាំចេញរបស់កម្ពុជាក៏ស្ទុះឡើងដែរ។
ចំណូលថវិការជាតិដែលកម្ពុជាប្រមូលបានក្នុងឆ្នាំ២០២០ មានចំនួនទឹកប្រាក់ ៥៧០០ លានដុល្លារ ជាចំណូលក្នុងស្រុក ដែលកម្ពុជាគ្រោង ៦៥០០ លានដុល្លារ។ ដូច្នេះធ្វើឲ្យស្ថានភាពថវិការរឹងមាំជាងមុន៕
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)