ព័ត៌មានជាតិ
ក្រុមហ៊ុនសឹង្ហបុរី YCH នឹងចាប់ផ្ដើមសិក្សាលំអិតអំពីការបង្កើតមជ្ឈមណ្ឌលភ័ស្តុភារកម្មភ្នំពេញនៅខែមិនាខាងមុខ
ក្រសួងសាធារណការ និងដឹកជញ្ជូន នឹងអនុញ្ញាតិឱ្យក្រុមហ៊ុនសឹង្ហបុរី YCH ផ្ដើមសិក្សាលំអិតអំពីការបង្កើតមជ្ឈមណ្ឌលភ័ស្តុភារកម្មភ្នំពេញនៅខែមីនា ឆ្នាំ២០២១ខាងមុខ បន្ទាប់ពីភាគីទាំងពីរបានបញ្ចប់ការចរចារ និងឯកភាពគ្នាលើកិច្ចព្រមព្រៀងក្របខ័ណ្ខសម្រាប់គម្រោងអភិវឌ្ឍន៍មជ្ឈមណ្ឌលភ័ស្តុភារកម្មភ្នំពេញ។
ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍ថា៖ «ក្រសួងសាធារណការ និងដឹកជញ្ជូនបានបញ្ចប់ការចរចារជាមួយក្រុមហ៊ុនសឹង្ហបុរី YCH រួចរាល់ហើយ ដូច្នេះក្រុមហ៊ុននឹងអាចចាប់ផ្ដើមសិក្សាលំអិតអំពីការបង្កើតមជ្ឈមណ្ឌលភ័ស្តុភារកម្មភ្នំពេញនៅខែមីនាខាងមុខនេះ។»
ឯកឧត្តម ស៊ុន ចាន់ថុល បានបន្តថា ភ័ស្តុភារកម្មភ្នំពេញ គឺជាមជ្ឈមណ្ឌលដ៏មានសក្ដានុពលក្នុងការលើកស្ទួយវិស័យដឹកជញ្ជូនឱ្យកាន់តែមានប្រសិទ្ធភាព និងមានលក្ខណៈប្រកួតប្រជែងជាមួយនឹងប្រទេសក្នុងតំបន់អាស៊ាន និងសកលលោកទាំងតម្លៃ និងសេវាកម្ម។
ម្យ៉ាងទៀត មជ្ឈមណ្ឌលភ័ស្តុភារកម្មភ្នំពេញក៏ជាកម្លាំងចលករជួយជំរុញកំណើនសេដ្ឋកិច្ចកម្ពុជាឱ្យកាន់តែរីកចម្រើន និងសម្រេចបាននូវចក្ខុវិស័យរបស់រដ្ឋាភិបាលក្នុងការអភិវឌ្ឍកម្ពុជាទៅជាប្រទេសចំណូលមធ្យមកម្រិតខ្ពស់នៅឆ្នាំ ២០៣០ និងប្រទេសចំណូលខ្ពស់នៅឆ្នាំ ២០៥០។
គួរបញ្ជាក់ថា គម្រោងមជ្ឈមណ្ឌលភ័ស្តុភារកម្មភ្នំពេញ ដែលត្រូវបានសាងសង់លើផ្ទៃដី ៩៨ ហិកតា មានទីតាំងនៅសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដែលជាទីតាំងយុទ្ធសាស្ដ្រមួយតភ្ជាប់កំពង់ផែសមុទ្រទឹកជ្រៅក្នុងខេត្តព្រះសីហនុ និងខ្សែផ្លូវដែកភាគខាងជើងភ្ជាប់ទៅព្រំដែនថៃ។
អត្ថបទ៖ វ៉ាត វិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ