ព័ត៌មានអន្ដរជាតិ
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
នារសៀលថ្ងៃទី ១៩ខែមីនា រដ្ឋអាជ្ញា បានស្នើសុំការកាត់ទោសលោកស្រី Truong My Lan និងអ្នកសមគំនិតចំនួន ៨៥ នាក់ ផ្សេងទៀតដែលពាក់ព័ន្ធនឹងករណីសូកប៉ាន់ និងពុករលួយជាប្រព័ន្ធ ធ្វើឱ្យបាត់បង់ប្រាក់ ២០ពាន់លានដុល្លារ ពីធនាគារ SCB ។
យោងតាមការផ្សាយរបស់សារព័ត៌មាន Zingnews បានឱ្យដឹងថា ក្នុងករណីនេះ ជនជាប់ចោទត្រូវបានកាត់ទោសដាក់ពន្ធនាគារយ៉ាងតិច ៧ ឆ្នាំ, ទោសអតិបរមា ២០ ឆ្នាំ ឬអាចឈានដល់ដាក់ពន្ធនាគារអស់មួយជីវិត ឬទោសប្រហារជីវិត។
ក្នុងចំណោមពួកគេ អ្នកស្រី Truong My Lan និងចុងចោទចំនួន ១២ នាក់ដែលជាក្រុមឧក្រិដ្ឋកម្មកេងប្រវ័ញ្ចទ្រព្យសម្បត្តិត្រូវបានកាត់ទោសដោយអយ្យការប្រជាជនកំពូលជាមួយនឹងទោសខ្ពស់បំផុតគឺទោសប្រហារជីវិត។
ប្រភពបានឱ្យដឹងថា បន្ទាប់ពីបានបញ្ជាក់ពីចំណុចនៃការចោទប្រកាន់រួច ស្ថាប័នអយ្យការបានស្នើឱ្យក្រុមប្រឹក្សាជំនុំជម្រះផ្តន្ទាទោសជនជាប់ចោទ Truong My Lan ទៅតាមស្ថានភាពទោសដូចជា ឱ្យជាប់ពន្ធនាគារពី ១៩ ទៅ ២០ ឆ្នាំពីបទសូកប៉ាន់, ជាប់ពន្ធនាគារពី ១៩ ទៅ២០ឆ្នាំពីបទរំលោភលើបទប្បញ្ញត្តិស្តីពីប្រតិបត្តិការធនាគារ និងទោសប្រហារជីវិតពីបទកេងបន្លំទ្រព្យសម្បត្តិ។
ទាក់ទងនឹងទំនួលខុសត្រូវរដ្ឋប្បវេណី រដ្ឋអាជ្ញាបានស្នើឱ្យគណៈវិនិច្ឆ័យបង្ខំឱ្យចុងចោទ Truong My Lan សងសំណងដល់ធនាគារ SCB សម្រាប់ការខាតបង់សរុបចំនួន ៦៦៧,៧០០ ពាន់លានដុង (២៧ ពាន់លានដុល្លារ) និងការប្រាក់បន្ថែមពីលើនៃតម្លៃតួលេខទឹកប្រាក់សរុប។
សូមជម្រាបជូនដែរថា ចាប់ពីឆ្នាំ ២០១២ ដល់ឆ្នាំ ២០២២ ក្រុមរបស់ Truong My Lan មានប្រាក់កម្ចីច្រើនជាង ២,៥០០ ដង នៅធនាគារ SCB ជាមួយនឹងទឹកប្រាក់សរុបជាង ៤៤ ពាន់លានដុល្លារដែលស្មើនឹង ៩៣% នៃឥណទានសរុបដែលធនាគារបានចេញ ។
ទន្ទឹមគ្នានេះ សម្រាប់ក្រុមមេដឹកនាំ និងក្បាលម៉ាស៊ីនធំៗរាប់ចាប់ពីថ្នាក់ប្រធាន និងនាយកប្រតិបត្តិរបស់ ធនាគារ Saigon Commercial Bank ក៏ត្រូវបានរដ្ឋអាជ្ញាស្នើសុំកាត់ទោសជាប់ពន្ធនាគារអស់មួយជីវិត ដោយពាក់ព័ន្ធទៅនឹងការជួយសម្រួលលំហូរសាច់ប្រាក់របស់ Truong My Lan ផងដែរ ៕
ប្រែសម្រួលដោយ÷ ប៉ោ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ