បញ្ហាការឡើង​កំដៅ​កំពុង​ប៉ះ​ពាល់​ដល់​ការ​ផ្គត់ផ្គង់​ការហ្វេរបស់​ប្រទេស​វៀតណាម

តម្លៃកាហ្វេត្រូវបានគេរំពឹងថានឹងកើនឡើង ដោយសារតែបញ្ហាអាកាសធាតុមិនល្អដែលប៉ះពាល់​កាន់តែធ្ងន់ធ្ងរដល់ការផ្គត់ផ្គង់កាហ្វេនៅក្នុងប្រទេសវៀតណាមដែលជាអ្នកផលិតកាហ្វេប្រភេទ robusta ដ៏ធំបំផុតរបស់ពិភពលោក។

​បម្រែបម្រួលអាកាសធាតុកំពុងជំរុញឱ្យមានអាកាសធាតុខុសប្រក្រតីកាន់តែខ្លាំងឡើងៗ ​​ ប្រទេសវៀតណាមមានចំនួនប្រហែលមួយភាគបីនៃការផ្គត់ផ្គង់ប្រភេទកាហ្វេ robusta beans របស់ពិភពលោក ដែលជាធម្មតាត្រូវបានប្រើប្រាស់សម្រាប់ភេសជ្ជៈ​ និងកាហ្វេ espresso ។

​លោក Tran Thi Lan Anh នាយករងក្រុមហ៊ុន Vinh Hiep ដែលជាក្រុមហ៊ុននាំចេញដ៏ធំរបស់វៀតណាមបានមានប្រសាសន៍ថា៖« យើងមិនអាចប្រាប់បានទេថានៅពេលណាតម្លៃនឹងឡើងដល់កំពូល» ។ កសិករ និងឈ្មួញកណ្តាលរំពឹងថាតម្លៃសកាហ្វេប្រភេទនេះអាចឡើងដល់ ១៥០​ ០០០ ដុង (៨ ដុល្លារ) ក្នុងមួយគីឡូក្រាម កើនឡើងពីកម្រិតបច្ចុប្បន្នមានតម្លៃប្រហែល  ១៣០ ០០០​ ដុង។

​ការឡើងថ្លៃនៃតម្លៃទំនិញត្រូវការពេលវេលាដើម្បីឈានទៅកម្រិតលក់រាយ ហើយការកើនឡើងតិចតួចនៃតម្លៃអារ៉ាប៊ីកា ដែលជាប្រភេទកាហ្វសកល​កំពុងជួយជំនួសប្រភេទកាហ្វេមួយចំនួនសម្រាប់អ្នកផឹកកាហ្វេ។ ទោះយ៉ាងណាក៏ដោយ នាយកប្រតិបត្តិនៃក្រុមហ៊ុន Tata Consumer Products ដែលផលិតកាហ្វេដែរនោះ បាននិយាយនៅសប្តាហ៍នេះថា តម្លៃ robusta ទំនងជានឹងនៅមានការប្រែប្រួលខ្លះៗទៀតផងដែរ៕