សហរដ្ឋ​អាមេរិក​គ្រោង​នឹង​ដំឡើង​ពន្ធ​ប្រឆាំង​ការលក់បង្ខូចថ្លៃរហូត​ដល់ ៤៣,៥ %​លើ​​អាលុយមីញ៉ូម​របស់​កូរ៉េ

មន្ត្រីជាន់ខ្ពស់របស់កូរ៉េខាងត្បូងបាននិយាយកាលពីថ្ងៃសុក្រទី៣ ឧសភាថា សហរដ្ឋអាមេរិកបានធ្វើការសម្រេចចិត្តបឋមក្នុងការដំឡើងពន្ធប្រឆាំងការ​បង្ខូចថ្លៃរហូតដល់ ៤៣,៥ %​លើការនាំចូលអាលុយមីញ៉ូមពីកូរ៉េខាងត្បូង។ នេះបើ យោងតាមទីភ្នាក់ងារព័ត៌មាន Yonhap​ របស់កូរ៉េខាងត្បូង។

យោងតាមក្រសួងពាណិជ្ជកម្ម ឧស្សាហកម្ម និងថាមពល បានឱ្យដឹងថា ក្រសួងពាណិជ្ជកម្មសហរដ្ឋអាមេរិក គ្រោងនឹងដាក់ពន្ធប្រឆាំងការ​បង្ខូចថ្លៃ ២,៤២%​​ លើការនាំចេញអាលុយមីញ៉ូមដែលផលិតដោយក្រុយមហ៊ុន Shinyang Metal និង ៤៣,៥៦ %​​លើក្រុមហ៊ុនផ្សេងទៀតដែលមិនបានឆ្លើយតបទៅនឹងការស៊ើបអង្កេតរបស់ខ្លួន។ នេះបើយោងតាមក្រសួងពាណិជ្ជកម្ម ឧស្សាហកម្ម និងថាមពល។​ អត្រាសម្រាប់ក្រុមហ៊ុន ALMAC Co. ដែលជាក្រុមហ៊ុនកូរ៉េខាងត្បូងមួយផ្សេងទៀតត្រូវបានកំណត់នៅសូន្យ។

សេចក្តីប្រកាសនេះបានធ្វើឡើងបន្ទាប់ពីនាយកដ្ឋានសហរដ្ឋអាមេរិកបានបើកការស៊ើបអង្កេតលើការនាំចូលអាលុយមីញ៉ូមពីប្រទេសចំនួន ១៥ កាលពីខែតុលា បន្ទាប់ពីការដាក់ញត្តិពីសម្ព័ន្ធអាលុយមីញ៉ូម Extruders Coalition និង United Steelworkers Union។

ក្រសួងឧស្សាហកម្មបាននិយាយនៅក្នុងសេចក្តីថ្លែងការណ៍មួយថា៖«នៅពេលដែលការសម្រេចចិត្តបឋមកំណត់​ប្រឆាំងការបង្ខូចថ្លៃលើ​អាលុយមីញ៉ូមបើប្រៀបធៀបទៅនឹងគូប្រជែងដទៃទៀត ការផ្លាស់ប្តូរនេះត្រូវបានគេរំពឹងថានឹងមានផលប៉ះពាល់តិចតួចលើវិស័យនេះ»។

នាយកដ្ឋានសហរដ្ឋអាមេរិក​ពាណិជ្ជកម្មរបស់អាមេរិក​បាន​កំណត់​ពន្ធ​ប្រឆាំង​ការ​បង្ខូចថ្លៃនេះរហូត​ដល់ ៣៧៦,៨៥ ភាគរយ និង ៨២,០៣ ភាគរយ​លើ​ការ​នាំ​ចូល​ពី​ប្រទេស​ចិន និង​ម៉ិកស៊ិក។

នាយកដ្ឋានសហរដ្ឋអាមេរិកបានបន្ថែមថា ខ្លួននឹងបន្តតាមដានយ៉ាងដិតដល់នូវផលប៉ះពាល់សក្តានុពលនៃការសម្រេចចិត្តលើទីផ្សារ។

នាយកដ្ឋានពាណិជ្ជកម្មនឹងចេញសាលក្រមចុងក្រោយរបស់ខ្លួននៅក្នុងខែកញ្ញា ​ដោយការសម្រេចចិត្តចុងក្រោយរបស់គណៈកម្មការពាណិជ្ជកម្មអន្តរជាតិរបស់សហរដ្ឋអាមេរិកស្តីពីផលប៉ះពាល់ឧស្សាហកម្មនៅក្នុងខែវិច្ឆិកា។​

កាលពីខែមីនា រដ្ឋមន្ត្រីពាណិជ្ជកម្ម Cheong In-kyo បានផ្ញើលិខិតមួយច្បាប់ទៅកាន់លេខាធិការពាណិជ្ជកម្មសហរដ្ឋអាមេរិក ហើយបានចូលរួមក្នុងកិច្ចពិភាក្សាកម្រិតខ្ពស់ផ្សេងៗ ដើម្បីបង្ហាញពីកង្វល់របស់ទីក្រុងសេអ៊ូលផងដែរលើករណីនេះ៕