ព័ត៌មានអន្ដរជាតិ
ថៃជួបការលំបាកដើម្បីពង្រីកស្តុកប្រេងបម្រុង ដោយសារបញ្ហាហិរញ្ញវត្ថុ
កាសែតក្នុងស្រុកថៃ The Thaiger បានផ្សាយកាលពីថ្ងៃចន្ទថា ផែនការបង្កើនស្ដុកប្រេងបម្រុងជាយុទ្ធសាស្ត្ររបស់ប្រទេស (SPR) កំពុងជួបប្រទះនឹងការលំបាកដោយសារតែបញ្ហាហិរញ្ញវត្ថុ។
កាសែតដដែល បានស្រង់សម្ដីប្រភពពីក្រុមហ៊ុនចម្រាញ់ប្រេងក្នុងស្រុកមួយ ដែលសុំនិយាយជាអនាមិកថា បញ្ហាកៀរគរមូលនិធិជាឧបសគ្គធំចំពោះផែនការប្រេងឆ្នាំ ២០២៤ ដែលរៀបរាប់លម្អិតពីការបង្កើនសន្តិសុខប្រេងបម្រុងជាតិ ដោយពង្រីក SPR ក្រោមគំនិតផ្ដួចផ្ដើមរបស់រដ្ឋមន្ត្រីថាមពលថៃ លោក Pirapan Salirathavibhaga ។
ផែនការនោះ ចង់បង្កើនស្តុកប្រេងបម្រុងរបស់ថៃ ទាំងប្រេងឆៅ និងចម្រាញ់ ឱ្យអាចប្រើបានពីត្រឹមតែរយៈ ៥០ ថ្ងៃ រហូតដល់ ៩០ ថ្ងៃ ដើម្បីធានាលើសន្ដិសុខប្រេង ក្នុងករណីមានការរំខានផ្នែកផ្គត់ផ្គង់ពីខាងក្រៅ ខណៈតួលេខបង្ហាញថា ថៃនាំចូលប្រេងជាង ៥០ ភាគរយពីតំបន់មជ្ឈិមបូព៌ា ដែលជម្លោះកើតមានញឹកញាប់។
ប្រភពដដែលគូសបញ្ជាក់ថា ប្រសិនបើផែនការ SPR ថ្មីត្រូវបានអនុម័ត ស្ដុកប្រេងបម្រុងនឹងត្រូវកើនឡើង ១០ ប៊ីលានលីត្រ លើសពីកម្រិតបច្ចុប្បន្ន ប៉ុន្តែមានឧបសគ្គផ្នែកហិរញ្ញវត្ថុសំខាន់ៗជាច្រើន ដែលផែនការនេះត្រូវប្រឈម។
ប្រភពបន្តថា វាពិបាកខ្លាំងទាំងសម្រាប់រដ្ឋាភិបាល និងក្រុមហ៊ុនប្រេង ក្នុងការទិញប្រេងក្នុងបរិមាណដ៏ច្រើនបែបនេះ ក៏ដូចជាការវិនិយោគលើកន្លែងស្តុកប្រេង ដោយសារតែមានឧបសគ្គថវិកា។
ថវិកាសារពើពន្ធឆ្នាំ ២០២៥ ដែលចាប់ផ្តើមពីថ្ងៃទី ១ ខែតុលា ត្រូវបានបែងចែកអស់យ៉ាងច្រើនរួចហើយ ទៅលើគម្រោងផ្សេងៗ រួមទាំងផែនការ «កាបូបឌីជីថល»។ ការណ៍នេះ ធ្វើឱ្យមូលនិធិសម្រាប់ការពង្រីកស្ដុកប្រេងបម្រុងមានកំណត់ ខណៈក៏មានការលំបាកផ្សេងៗ ដើម្បីស្វែងរកមូលនិធិវិនិយោគពីប្រតិបត្តិករក្នុងឧស្សាហកម្មប្រេងផងដែរ។
ប្រភពនិយាយយ៉ាងដូច្នេះថា៖ «វាពិបាកក្នុងការសុំឱ្យពាណិជ្ជករប្រេង និងប្រតិបត្តិកររោងចក្រចម្រាញ់ប្រេង ឱ្យពង្រីកស្តុកបម្រុងប្រេង»។ គួរគូសបញ្ជាក់ថា លោក Pirapan បានណែនាំឲ្យនាយកដ្ឋានអាជីវកម្មថាមពល សិក្សាផែនការ SPR បន្ថែមទៀត។ ក្នុងឆ្នាំ ២០១៣ ទីភ្នាក់ងារថាមពលអន្តរជាតិបានជំរុញឱ្យប្រទេសថៃពិចារណាលើការបង្កើន SPR របស់ខ្លួន ប៉ុន្តែសំណើនេះត្រូវបានដកចេញដោយសារតែអតិរេកប្រេងឆៅនៅក្នុងឆ្នាំ ២០១៤ ដោយសារតែផលិតកម្មប្រេងនៅអាមេរិកច្រើន៕
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ