ព័ត៌មានអន្ដរជាតិ
ម៉ាឡេស៊ីបង្កើនការនាំចេញទៅវៀតណាម ខណៈប្រទេសទាំង២ពង្រឹងសហគមន៍ពាណិជ្ជកម្មនឹងគ្នា
ក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី (MITI) កាលពីថ្ងៃព្រហស្បតិ៍ បានប្រកាសថា ម៉ាឡេស៊ីនឹងបង្កើនការនាំចេញទៅវៀតណាម ចំពេលដែលប្រទេសទាំង២ពង្រឹងសហគមន៍ពាណិជ្ជកម្មទ្វេភាគី។ នេះបើតាមការចុះផ្សាយរបស់កាសែត Viet Nam News។
ក្រសួងប្រកាសថា ការបង្កើននេះនឹងធ្វើឡើងតាមរយៈក្រុមហ៊ុនវៀតណាមចំនួន ១៤ ដែលបានប្តេជ្ញាក្នុងការស្វែងរកប្រភពផលិតផលពីម៉ាឡេស៊ី រួមមានអគ្គិសនី និងអេឡិចត្រូនិក ប្រេងដូង សារធាតុគីមី និងគីមីឥន្ធនៈ ដែក និងដែកថែប ចំណីអាហារ និងភេសជ្ជៈ ព្រមទាំងទំនិញប្រើប្រាស់ប្រចាំថ្ងៃ។
ការប្ដេជ្ញារបស់ក្រុមហ៊ុនសាជីវកម្មវៀតណាមទាំងនោះ ធ្វើឡើងក្នុងជំនួបជាមួយរដ្ឋមន្រ្តីក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី លោក Utama Zafrul Tengku Abdul នៅទីក្រុងហូជីមិញ និងហាណូយ អំឡុងទស្សនកចិ្ចរបស់លោកទៅវៀតណាម។ តាមរយៈនោះ ម៉ាឡេស៊ីអាចធានាបាននូវសមត្ថភាពនាំចេញទៅវៀតណាម រហូតដល់ ៣,៣ ប៊ីលានរីងហ្គីតម៉ាឡេស៊ី (៧១៧ លានដុល្លារអាមេរិក)។
លោក Zafrul បានថ្លែងថា ម៉ាឡេស៊ីរីករាយនឹងការនាំចេញរបស់ខ្លួន ហើយ MITI នឹងតាមដានលើការអនុវត្តការប្តេជ្ញាចិត្តរបស់ក្រុមហ៊ុនវៀតណាម ដើម្បីគាំទ្រដល់កំណើនផលិតផលក្នុងស្រុកសរុប (GDP) និងបង្កើតឱកាសការងារសម្រាប់ប្រជាជន។
ជាមួយគ្នានេះទៀតសោត លោកបានសង្កត់ធ្ងន់ថា លទ្ធផលនៃដំណើរទស្សនកិច្ចទៅកាន់វៀតណាមរបស់លោក ឆ្លុះបញ្ចាំងពីសន្ទុះនៃកំណើនទំនាក់ទំនងសេដ្ឋកិច្ចរវាងប្រទេសទាំង២ ដោយបង្ហាញពីឱកាសដែលផ្តល់ផលប្រយោជន៍ទៅវិញទៅមក សម្រាប់សហគមន៍ពាណិជ្ជកម្មទ្វេភាគី។
គួរគូសបញ្ជាក់ថា កាលពីឆ្នាំមុន វៀតណាមគឺជាដៃគូពាណិជ្ជកម្មធំជាងគេទី ១១ របស់ម៉ាឡេស៊ី ខណៈម៉ាឡេស៊ីជាដៃគូធំទី ១០ របស់វៀតណាម ជាមួយនឹងទំហំពាណិជ្ជកម្មសរុប ១៧,៣៨ ប៊ីលានដុល្លារ។
លើសពីនេះ វៀតណាមក៏ជាគោលដៅវិនិយោគដ៏សំខាន់សម្រាប់ម៉ាឡេស៊ី ជាពិសេសក្នុងវិស័យអចលនទ្រព្យ សេវាប្រើប្រាស់ សេវាកម្មហិរញ្ញវត្ថុ និងផលិតកម្ម។ គិតត្រឹមឆ្នាំ ២០២៣ ម៉ាឡេស៊ីបានចុះបញ្ជីគម្រោងចំនួន ៧១៧ នៅវៀតណាម ជាមួយនឹងការវិនិយោគសរុបចំនួន ១៣,១ ប៊ីលានដុល្លារ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ