CCC លើកទឹកដល់ម្ចាស់អាជីវកម្ម​លើកបញ្ហាប្រឈម​​​មកខ្លួនដើម្បីស្វែងរកដំណោះស្រាយ​ពី រដ្ឋាភិបាល

សភាពាណិជ្ជកម្មកម្ពុជា(CCC) បានអំពាវនាវដល់ម្ចាស់សហគ្រាស និងវិនិយោគិនទាំង​អស់ធ្វើកា​រលើកឡើងនូវបញ្ហាប្រឈមនានា​ ដែលខ្លួនជាស្ថាប័នតំណាងវិស័យឯកជនតែមួយ​គត់ដែលអាចលើកបញ្ហារួមនេះទៅកាន់រដ្ឋាភិបាលដើម្បីជួយដោះស្រាយ។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជាថ្លែងក្នុងកម្មវិធីមួយនាពេលកន្លងមក។

បើតាមសេចក្តីប្រកាសព័ត៌ CCC មានកាលពីថ្ងៃទី១៩ខែតុលានេះ យោងតាមប្រសាសន៍ដ៏  របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ កម្ពុជា ក្នុងពិធី «អបអរសាទរខួប ២០ឆ្នាំ នៃកម្ពុជាចូលជាសមាជិកអង្គការពាណិជ្ជកម្ម ពិភពលោក» នាថ្ងៃទី១៤ ខែតុលា ឆ្នាំ២០២៤ បានថ្លែងថា “សភាពាណិជ្ជកម្មកម្ពុជាត្រូវធ្វើជាតំណាងវិស័យឯកជន ធ្វើការជាមួយរាជរដ្ឋាភិបាល បើវិស័យឯកជនមានបញ្ហាគឺត្រូវដោះស្រាយតាមរយៈសភាពាណិជ្ជកម្មកម្ពុជា។

CCC បានគូសបញ្ជាក់ថា​សភាពាណិជ្ជកម្មកម្ពុជា មានកិត្តិយសសូមជម្រាបជូនដល់ លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ លោក លោកស្រី អ្នកនាង កញ្ញា ដែលជាអាជីវករ ពាណិជ្ជករ ម្ចាស់សហគ្រាស និងក្រុមហ៊ុន នៅទូទាំងរាជធានី-ខេត្ត និង សមាគមធុរកិច្ចជាតិ និងអន្តរជាតិ មេត្តាជ្រាបថា៖ សភាពាណិជ្ជកម្មកម្ពុជា គឺជាស្ថាប័នតែមួយគត់ ដែលតំណាងឱ្យ វិស័យឯកជន ក្នុងការសម្របសម្រួលនិងដោះស្រាយបញ្ហានានា តាមរយៈយន្តការវេទិការាជរដ្ឋាភិបាល-ផ្នែកឯកជន ដែលមានក្រុមការងារទាំង១៦ និង ក្រុមការងារបច្ចេកទេសទាំង៨ ដើម្បីស្វែងរកដំណោះស្រាយរាល់បញ្ហាប្រឈម នានា នឹងលើកស្ទួយសកម្មភាព អាជីវកម្ម ធុរកិច្ច និងវិនិយោគ របស់វិស័យឯកជនទាំង ក្នុងនិងក្រៅ ព្រះរាជាណា ចក្រកម្ពុជា ប្រកបដោយប្រសិទ្ធភាព និងខិតខំកាន់តែល្អ ប្រសើរលើកិច្ចសហការសម្របសម្រួលក្នុងភាពជាដៃគូ សន្ទនាគ្រប់ជ្រុងជ្រោយ ជាមួយក្រសួង-ស្ថាប័នរដ្ឋ ក្រោមយន្តការនៃវេទិការាជរដ្ឋាភិបាល-ផ្នែកឯកជន នឹងបង្កើនកិច្ច សហប្រតិបត្តិការស្អិតល្មួតនិងវប្បធម៌សន្ទនារវាង ផ្នែកឯកជន ជាមួយ រដ្ឋាភិបាល និងរួមគ្នាដោះស្រាយបញ្ហាប្រឈម និងកង្វល់របស់ធុរជន និងវិនិយោគិន ក្នុងគោលដៅជំរុញការអភិវឌ្ឍវិស័យឯកជន និងរដ្ឋ តាមរយៈការផ្តល់កិច្ច សម្រួលនានា ដែលរួមចំណែកក្នុងការធ្វើ ឱ្យប្រសើរឡើងនូវបរិយាកាសធុរកិច្ច និងវិនិយោគ នៅកម្ពុជា។

«អាស្រ័យហេតុនេះ សូម អាជីវករ ពាណិជ្ជករ ម្ចាស់សហគ្រាស និងក្រុមហ៊ុន នៅទូទាំងរាជធានី-ខេត្ត និង សមាគមធុរកិច្ចជាតិ និងអន្តរជាតិ ដែលមាន បញ្ហាប្រឈម សំណូមពរ ធាតុចូល និងអនុសាសន៍ផ្សេងៗ សូមមេត្តា បញ្ជូនមក សភាពាណិជ្ជកម្មកម្ពុជា ដើម្បីចូលរួមដោះស្រាយ ឱ្យមានប្រសិទ្ធិភាព ក្នុងនាមដៃគូរជាមួយក្រសួង-ស្ថាប័ នពាក់ព័ន្ធរបស់រាជរដ្ឋាភិបាល ក្រោមយន្តការនៃវេទិការាជរដ្ឋាភិបាល-ផ្នែកឯកជន»។ នេះបើយោងតាម CCC៕

​​