ព័ត៌មានអន្ដរជាតិ

ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦

បានផុស

១ ខែ មុន

នៅ

ថ្ងៃចន្ទ ២ ធ្នូ ២០២៤

ដោយ

ប្រទេសឥណ្ឌូណេស៊ី និងកាណាដា រំពឹងថានឹងរួមគ្នាទម្លាក់ចោលនូវរបាំងពាណិជ្ជកម្មសំខាន់ៗលើទំនិញប្រទេសទាំងសងខាង ចាប់ពីឆ្នាំ ២០២៦ តទៅ ខណៈរដ្ឋាភិបាលក្រុងហ្សាកាតា សម្លឹងបន្ថយឱនភាពពាណិជ្ជកម្មជាមួយកាណាដា។ នេះបើតាមការចុះផ្សាយរបស់កាសែត Jakarta Globe នៅថ្ងៃចន្ទនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសទាំង២ បានចុះហត្ថលេខាលើសេចក្តីថ្លែងការណ៍រដ្ឋមន្រ្តីរួមមួយ ដែលបានកត់សម្គាល់ពីការសំខាន់នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (CEPA) នៅថ្ងៃចន្ទនេះ ពោលគឺ ៣ ឆ្នាំបន្ទាប់ពីការចរចាកិច្ចព្រមព្រៀងពាណិជ្ជកម្មដដែល បានចាប់ផ្តើម។ វានៅតែមានជំហានជាច្រើននៅខាងមុខ មុនពេលកិច្ចព្រមព្រៀងនេះ អាចចូលជាធរមាន ខណៈប្រទេសទាំង២ ក៏ចាំបាច់ត្រូវចុះហត្ថលេខា និងផ្តល់សច្ចាប័នលើសន្ធិសញ្ញានេះ ដើម្បីវាចូលជាធរមាន។

ទោះជាយ៉ាងណាក៏ដោយ រដ្ឋមន្ត្រីពាណិជ្ជកម្មឥណ្ឌូណេស៊ី លោក Budi Santoso បានប្រាប់អ្នកយកព័ត៌មានថា ឥណ្ឌូណេស៊ី និងកាណាដា នឹងចុះហត្ថលេខាលើ CEPA នៅពាក់កណ្តាលឆ្នាំ ២០២៥ ជាមួយនឹងគោលដៅអនុវត្តកិច្ចព្រមព្រៀងពាណិជ្ជកម្មនៅឆ្នាំបន្ទាប់។

កិច្ចព្រមព្រៀងដដែល នឹងផ្តល់ឱ្យឥណ្ឌូណេស៊ីនូវសេរីភាវូបនីយកម្មពាណិជ្ជកម្ម ដែលគ្របដណ្តប់រហូតដល់ ៩០,៥ ភាគរយ នៃពន្ធនាំចូល លើទំនិញឥណ្ឌូណេស៊ីដែលចូលទៅក្នុងទីផ្សារកាណាដា ឬស្មើនឹង ១,៤ ប៊ីលានដុល្លារ នៃពាណិជ្ជកម្ម។ កិច្ចព្រមព្រៀងនឹងជួញដល់វិស័យសេវាកម្ម ការវិនិយោគក្នុងវិស័យកសិកម្ម និងផលិតកម្មផងដែរ។

ក្រោមកិច្ចព្រមព្រៀងដដែល លោក Budi បានឱ្យដឹងថា ទំនិញឥណ្ឌូណេស៊ីមួយចំនួនដែលនឹងទទួលបានអាទិភាពទៅកាន់ទីផ្សារកាណាដា រួមមានផលិតផលក្រដាស អាហារកែច្នៃ ផលិតផលអាចបរិភោគបានដែលធ្វើពីសំបុកសត្វ (បក្សី) និងប្រេងដូង ជាដើម»។

ឥណ្ឌូណេស៊ីក៏រំពឹងកាត់បន្ថយឱនភាពពាណិជ្ជកម្មតាមរយៈ CEPA ផងដែរ ដោយថា វានឹងពង្រីកទីផ្សារនាំចេញសម្រាប់ប្រទេសខ្លួន។

ចំណែកឯរដ្ឋមន្ត្រីពាណិជ្ជកម្មកាណាដា លោកស្រី Mary Ng វិញ បាននិយាយថា CEPA នឹងផ្តល់ផលប្រយោជន៍ទៅវិញទៅមកសម្រាប់ភាគីទាំង២ ខណៈបន្ថែមថាកាណាដាអាចជាច្រកចូលទៅកាន់ទីផ្សារអាមេរិកខាងជើង សម្រាប់អាជីវកម្មឥណ្ឌូណេស៊ី៕