លោកជំទាវកិត្តិសង្គហបណ្ឌិត ម៉ែន សំអន ផ្តល់អំណោយជួយដល់មន្រ្តីក្រោមឱវាទ ដែលកំពុងធ្វើចត្តាឡីស័កនៅផ្ទះ

លោក ហុង ឡុង នាយកខុទ្ទកាល័យលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នារសៀលថ្ងៃទី៣០ មេសានេះបាននាំយកគ្រឿងឧបភោគ បរិភោគ ដែលជាអំណោយដ៏ថ្លៃថ្លារបស់លោកជំទាវកិត្តសង្គហបណ្ឌិត ចែកជូនដល់ក្រុមគ្រួសាររបស់ លោក ឱ ប៉ូ ជាមន្ត្រីនៃនាយកដ្ឋានតាមដានការអនុវត្តច្បាប់ នៃអគ្គនាយកដ្ឋានអធិការកិច្ច ដែលបច្ចុប្បន្នក្រុមគ្រួសាររបស់គាត់ដែលមានសមាជិកក្នុងគ្រួសារ១២នាក់ បាននឹងកំពុងធ្វើចត្តាឡីស័កនៅផ្ទះ ស្ថិតក្នុងខណ្ឌទួលគោគ រាជធានីភ្នំពេញ ។ មូលហេតុមកពីបងស្រីគាត់ជាអាជីវករនៅផ្សារដេប៉ូមានវិជ្ជមានកូវិដ១៩ បច្ចុប្បន្ននេះបងស្រីរបស់គាត់បានទៅសម្រាកព្យាបាលនៅ មណ្ឌលចត្តាឡីស័កបុរីពិភពថ្មីសែនសុខ រួចហើយ ។

លោកហុង ឡុង នាយកខុទ្ទកាល័យក្នុងនាមលោកជំទាវកិត្តិសង្គហបណ្ឌិតបានថ្លែងនូវការពាំការសាកសួរសុខទុក្ខពីសំណាក់លោកជំទាវកិត្តិសង្គហបណ្ឌិត ដែលលោកតែងតែយកចិត្តទុក្ខដាក់ចំពោះមន្រ្តីរាជការក្រោមឱវាទគ្រប់កាលៈ​ទេសៈ និងគ្រប់ពេលវេលា ។ លោកជំទាវកិត្តិសង្គហបណ្ឌិតក៍បានជូនពរដល់ក្រុមការងារដែលកំពុងជាប់ធ្វើចត្តាឡិសក័មានសុខភាពល្អ ពិសេសអនុវត្តន៍ឲ្យបានអនុសាសន៍ដ៍ថ្លៃថ្លារបស់សម្តេចតេជោហ៊ុនសែន គឺ៣កុំ៣ការពារ​តែម្ដង។
អំណោយដ៍ថ្លៃថ្លារបស់លោកជំទាវកិត្តិសង្គហបណ្ឌិតនាពេលនេះរួមមាន ៖ អង្ករ ៥០គីឡូក្រាម ត្រីខកំប៉ុង ២យួរ សាច់ក្រ ពងទា ទឹកត្រី ទឹកស៊ីអ៉ីវ និងមី២កេស ៕

អត្ថបទ ៖ វិមាន