កីឡា
អបអរសាទរ! ស្រួង ភាវី ផ្តួលជើងខ្លាំងលេខ១លើលោក ដើម្បីគ្រងជើងឯក LPBA ឆ្នាំ ២០២៦
កីឡាការិនីប៊ីយ៉ាការ៉ុមកម្ពុជា ស្រួង ភាវី បានឈ្នះជើងឯកពានរង្វាន់ LPBA Championship លំដាប់ពិភពលោក ប្រចាំឆ្នាំ ២០២៦ អមដោយប្រាក់រង្វាន់ជាង ៣ ម៉ឺនដុល្លារអាមេរិក ដែលទើបបញ្ចប់ការប្រកួតនៅថ្ងៃទី១១ ខែមិថុនា ឆ្នាំ ២០២៦។
បន្ទាប់ពីការប្រកួតតាំងពីវគ្គសន្សំពិន្ទុ រហូតដល់វគ្គផ្តាច់ព្រ័ត្រ ដែលមានកីឡាការិនីចំនួន ១៥២ នាក់មកពីបណ្តាប្រទេសផ្សេងៗជុំវិញពិភពលោក ប៉ុន្តែម្ចាស់ជើងឯកបានទៅស្ត្រីខ្មែរដ៏ខ្លាំងកូកែដែលមានដើមកំណើតខេត្តត្បូងឃ្មុំ។
ការប្រកួតវគ្គផ្តាច់ព្រ័ត្រពិតជាគួរឲ្យចាប់អារម្មណ៍បំផុតដោយកីឡាការិនីកម្ពុជា ស្រួង ភាវី ប៉ះកីឡាការិនី Ga-young Kim ដែលមានចំណាត់ថ្នាក់លំដាប់លេខ ១ លើពិភពលោក។ កីឡាការិនីកម្ពុជា បានយកឈ្នះកីឡាការិនីកូរ៉េខាងត្បូងដោយលទ្ធផល ៤ ទល់ ២ គឺជុំទី១ ឈ្នះដោយពិន្ទុ ១១-៥, ជុំទី២ ឈ្នះដោយពិន្ទុ ១១-៨, ជុំទី៣ ចាញ់ដោយពិន្ទុ ៦-១១, ជុំទី៤ ចាញ់ដោយពិន្ទុ ៣-១១ ប៉ុន្តែជុំទី៥ ឈ្នះដោយពិន្ទុ ១១-៨ និងជុំទី៦ ឈ្នះដោយពិន្ទុយ៉ាងប្រផុតប្រផើយបំផុតគឺ ១១-១០ ដើម្បីក្លាយជាម្ចាស់ជើងឯក។
នេះជាការឈ្នះជើងឯកលើកទី១០ របស់កីឡាការិនី ស្រួង ភាវី សម្រាប់អាជីពប៊ីយ៉ាការ៉ុម និងជាការឈ្នះជើងឯកពានរង្វាន់ LPBA លើកទី៨ ដែលធ្វើឲ្យកីឡាការិនីកម្ពុជាស្ថិតនៅចំណាត់ថ្នាក់លេខ ២ ក្នុងតារាងចំណាត់ថ្នាក់ម្ចាស់ជើងឯកនៅក្នុងប្រវត្តិសាស្ត្រពានរង្វាន់នេះ។
សម្រាប់ការឈ្នះជើងឯកនេះ ស្រួង ភាវី ទទួលបានប្រាក់រង្វាន់ ៤០ លានវ៉ុន (ជាង ៣ ម៉ឺនដុល្លាអាមេរិក)។ បើគិតជាប្រាក់រង្វាន់សរុបដែលកីឡាការិនីកម្ពុជាទទួលបានពីការឈ្នះជើងឯកពានរង្វាន់ទាំង ៨ លើកគឺប្រហែលជា ៣២ ម៉ឺនដុល្លារអាមេរិក។
ទោះបីជាយ៉ាងណា ស្រួង ភាវី ស្ថិតនៅក្រោមកីឡាការិនី Ga-young Kim ដែលជាកីឡាការិនីកំពូលលំដាប់លេខ ១ លើលោក និងប្រចាំប្រទេសកូរ៉េ។ បើទោះបីជាចាញ់ ស្រួង ភាវី នៅវគ្គផ្តាច់ព្រ័ត្រលើកនេះ ក៏ Ga-young Kim នៅតែឈរលេខ ១ ជាកីឡាការិនីឈ្នះជើងឯកច្រើនជាងគេបំផុតគឺចំនួន ១៩ លើក និងរកបានប្រាក់រង្វាន់សរុបប្រមាណ ៧៣ ម៉ឺនដុល្លារអាមេរិក៕
អត្ថបទ៖ វិរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៧ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត