Connect with us

កូវីដ-១៩

ពលរដ្ឋជិត១លាន៥សែននាក់បានចាក់វ៉ាក់សាំងជំងឺកូវីដ‑១៩

បានផុស

នៅ

ភ្នំពេញ៖ យោងតាមរបាយការណ៍ឯកសារមន្ត្រីសាធារណៈបានឱ្យដឹងថាគិតត្រឹមថ្ងៃទី០៣ ខែឧសភា ឆ្នាំ២០២១ ប្រទេសកម្ពុជាបានចាក់វ៉ាក់សាំងការបារជំងឺកូវីដ-១៩ជូនដល់មន្រ្តីរាជការ ប្រជាពលរដ្ឋ កម្មករនិយោជិត និងកងកម្លាំងប្រដាប់អាវុធ នៅទូទាំងប្រទេសជិត១លាន៥សែននាក់នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបានឱ្យដឹងថាចាប់ពីថ្ងៃទី១០ ខែកម្ភៈ ឆ្នាំ២០២១រហូតមកដល់ថ្ងៃទី០៣ ខែឧសភា ឆ្នាំ២០២១នេះ ក្រសួងសុខាភិបាល និងក្រសួងការពារជាតិបានចាក់វ៉ាក់សាំងជូនមន្រ្តីរាជការ ប្រជាពលរដ្ឋ កម្មករនិយោជិត និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១,៤៦៥,៩៨៥នាក់ ស្រី៦៣៧,៧៤៨នាក់ ក្នុងចំណោមអ្នកស្ម័គ្រចិត្តចាក់ចំនួន១,៥៣០,៧៤៧នាក់ ស្រី៦៦៩,៤៧០នាក់។ 

ក្នុងចំណោមនោះអ្នកដែលគ្រូពេទ្យមិនអនុញ្ញាតឱ្យចាក់មានចំនួន៦៤,៥៦៩នាក់ ស្រី៣៣,៥៧៧នាក់ និងអ្នកដែលបានចាក់វ៉ាក់សាំងដូសទី២មានចំនួន១,០០៣,៨៣៧នាក់ ស្រី៣៩៤,៦៦២នាក់។

ពលរដ្ឋជិត១លាន៥សែននាក់នោះបានចាក់វ៉ាក់សាំងការពារកូវីដ‑១៩ចំនួន៣ប្រភេទរួមមានវ៉ាក់សាំងប្រភេទស៊ីណូហ្វាមដែលចាក់ទៅលើមនុស្សដែលមានអាយុចាប់ពី១៨ឆ្នាំដល់៥៩ឆ្នាំ វ៉ាក់សាំងប្រភេទស៊ីណូវ៉ាក់ដែលចាក់ទៅលើមនុស្សដែលមានអាយុចាប់ពី១៨ឆ្នាំឡើងទៅ និងវ៉ាក់សាំងអាស្ត្រាហ្សេនីកា ឬកូវីលហ្សែលដែលចាក់ទៅលើមនុស្សដែលមានអាយុចាប់ពី៦០ឆ្នាំឡើងទៅ។

បច្ចុប្បន្ននេះរាជរដ្ឋាភិបាលបានបើកយុទ្ធនាការចាក់វ៉ាក់សាំងដល់ប្រជាពលរដ្ឋ និងបងប្អូនកម្មករកម្មការិនីរស់នៅតំបន់ក្រហមដែលមានការឆ្លងរាលដាល់ជំងឺកូវីដ‑១៩ខ្ពស់ប្រមាណជិត៥០ម៉ឺននាក់នៅតាមខណ្ឌចំនួន៤រួមមាន ខណ្ឌកំបូល ខណ្ឌមានជ័យ ខណ្ឌដង្កោ និងខណ្ឌពោធិសែនជ័យ រយៈពេល១ខែ ចាប់ពីថ្ងៃទី០១ រហូតដល់ថ្ងៃទី៣១ ខែឧសភា ឆ្នាំ២០២១។

បើតាមប្រមុខរដ្ឋាភិបាលកម្ពុជាសម្តេចតេជោ ហ៊ុន សែន បានឱ្យដឹងថា រដ្ឋាភិបាលនឹងចាក់វ៉ាក់សាំងជួនពលរដ្ឋរស់នៅរាជធានីភ្នំពេញ និងខេត្តកណ្តាលឱ្យរួចរាល់នៅក្នុងខែឧសភានិងខែមិថុនាខាងមុខនេះដើម្បីឱ្យពលរដ្ឋមានភាពស៊ាំទប់ទល់នឹងជំងឺកូវីដ‑១៩៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ១ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម