កូវីដ-១៩
ប្រជាពលរដ្ឋ ២៥០នាក់ នៅខេត្តព្រះសីហនុ ជាសះស្បើយពីជំងឺកូវីដ ហើយឱ្យទៅផ្ទះ
លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានប្រាប់កម្ពុជាថ្មី នៅរសៀលថ្ងៃទី ១៣ ខែឧសភានេះថា អ្នកជំងឺកូវីដ១៩ ចំនួន ២៥០នាក់ បានជាសះស្បើយហើយត្រូវបានអនុញ្ញាត ឱ្យត្រឡប់ទៅផ្ទះវិញ។
នៅក្នុងពិធីសំណេះសំណាល លោក គួច ចំរើន អភិបាលខេត្តព្រះសីហនុ បានពាំនាំការផ្តាំផ្ញើសួរសុខទុក្ខ ពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែមានការនឹករឭកសួរនាំតាមរយៈយើងខ្ញុំជាប្រចាំអំពីស្ថានភាពសុខភាព ការដោះស្រាយ និងការព្យាបាល។
លោក គួច ចំរើន បានប្រាប់ឱ្យដឹងថា សម្ដេចក៏បានគិតគូរដល់បងប្អូនរងគ្រោះដោយ សារជំងឺកូវីដ១៩ លើក្រុមគ្រួសារអ្នកឆ្លងជំងឺ ក្រុមគ្រួសារកម្មករ កម្មការិនីដែលរងផលប៉ះពាល់ ក្រុមគ្រួសារដែលមានសមាជិកទទួលមរណភាពដោយសារជំងឺកូវីដ១៩ ព្រមទាំងគិតគូរដល់ក្រុមគ្រួសារដែលរងឥទ្ធិពលដោយសារការបិទខ្ទប់ ព្រោះការបិទខ្ទប់មិនមែនជាបំណងរបស់យើងទេ ប៉ុន្តែប្រសិនបើយើងមិនធ្វើការបិទខ្ទប់ វាកាន់តែឆ្លងរាលដាលធ្ងន់ធ្ងរក្នុងសហគមន៍។
ដោយសារការខិតខំរបស់ប្រមុខរាជរដ្ឋាភិបាល និងក្រុមគ្រូពេទ្យរបស់យើង ត្រូវបានប្រជាពលរដ្ឋឧទ្ទេសនាមថា ជាយុទ្ធជនអាវសរបានខិតខំប្រឹងប្រែងទាំងយប់ទាំងថ្ងៃ ដើម្បីបុព្វហេតុសុខមាលភាពរបស់ប្រជាពលរដ្ឋ និងសុខភាពសាធារណៈក្រុមគ្រូពេទ្យត្រូវប្រឈមនិងជំងឺឆ្លងយ៉ាងធ្ងន់ធ្ងរក្នុងប្រតិបត្តិការពិនិត្យព្យាបាលជំងឺកូវីដ-១៩ ជូនបងប្អូនប្រជាពលរដ្ឋ ដើម្បីកាត់ផ្តាច់ប្រភពចម្លង។
លោក គួច ចំរើន បានសំណូមពរឱ្យបងប្អូនប្រជាពលរដ្ឋ ដែលបានព្យាបាលជាសះស្បើយវិលត្រឡប់ទៅផ្ទះវិញនាពេលនេះ ត្រូវបន្តតែថែទាំសុខភាព និងធ្វើចត្តាឡីស័ក ១៤ថ្ងៃបន្តទៀត ក្រោយពីការយកសំណាកលើកចុងក្រោយបញ្ជាក់ថា អវិជ្ជមានកូវីដ១៩ ទើបបងប្អូនធ្វើសមាហរណកម្មរស់នៅក្នុងក្រុមគ្រួសារបានធម្មតាវិញ៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង