កីឡា

ប្រឡូកប្រដាល់១០ឆ្នាំ Kaneko ចាញ់៣ដងគត់ គ្រងខ្សែក្រវាត់៣គ្រឿង

បានផុស

១១ ខែ មុន

នៅ

ថ្ងៃពុធ ២០ មីនា ២០២៤

ដោយ

កីឡាករ Akihiro Kaneko បានចូលរួមការប្រកួតលក្ខណៈអាជីពតាំងពីឆ្នាំ២០១៤ គិតរហូតដល់ឆ្នាំ២០២៤ មានរយៈពេល១០ឆ្នាំហើយ ប៉ុន្ដែរូបគេប្រកួតចាញ់តែ៣លើកគត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Akihiro Kaneko ដែលកើតថ្ងៃទី២៩ ខែមករា ឆ្នាំ១៩៩៧ ស្ថិតក្នុងប្រភេទទម្ងន់ Super bantamweight របស់ស្ថាប័នឃីកបុកស៊ីងពិភពលោក K-1។ ត្រឹមឆ្នាំ២០២៤ រូបគេឈរចំណាត់ថ្នាក់លេខ១ ក្នុងនាមជាអ្នកប្រដាល់ឃីកបុងស៊ីងល្អបំផុតដែលរៀបចំដោយ Beyond Kick ។ រូបគេបានចូលប្រកួតតាំងពីកម្រិតយុវជនក្នុងឆ្នាំ២០១៤ ដោយមានអាយុទើបតែ១៨ប៉ុណ្ណោះ។ ការប្រកួតដំបូងរូបគេបានផ្ដួលឲ្យកីឡាករមិត្តរួមជាតិ Masaya Kobayashi ឲ្យបោះបង់ចោលការប្រកួត ក្នុងទឹកទី២ ក្នុងកម្មវិធី JAKF SMASHERS 164។

ការប្រកួតកម្រិតយុវជនរយៈ២ឆ្នាំ ដោយបានឆ្លងកាត់ការប្រកួត១៥លើក Akihiro Kaneko ចាញ់តែ១លើកប៉ុណ្ណោះ ហើយរូបបានឈ្នះខ្សែក្រវាត់ K-1 Amateur Challenge B-Class Super Bantamweight ២គ្រឿង នៅឆ្នាំ២០១៤ និងឆ្នាំ២០១៥។ រូបគេបានឈ្នះខ្សែក្រវាត់ K-1 All Japan A-Class Super Bantamweight នៅឆ្នាំ២០១៦ និងជាប់ឈ្មោះជាកីឡាករល្អប្រចាំព្រឹត្តិការណ៍ថែមទៀត។ នៅថ្ងៃទី៣០ ខែកញ្ញា ឆ្នាំ២០១៦ កីឡាករKaneko បានចូលរួមក្នុងកម្មវិធី Krush 69 បន្ទាប់ពីបញ្ចប់ការប្រកួតកម្រិតយុវជន។ ពេលនោះរូបគេបន្តធ្វើបានល្អដោយបានផ្ដួលឲ្យកីឡាករ Fumiya Hata បោះបង់ការប្រកួតក្នុងទឹកទី៣។

Kaneko ត្រូវបានរៀបចំឲ្យជួបជាមួយម្ចាស់ជើងឯក Krush Bantamweight កីឡាករ Taito Gunji នៅក្នុងព្រឹត្តិការណ៍ Krush 89 នៅថ្ងៃទី៣០ ខែមិថុនា ឆ្នាំ២០១៨។ នេះក៏ជាការការពារខ្សែក្រវាត់លើកដំបូងរបស់ Gunji ហើយក៏ជាការប្រកួតដណ្តើមខ្សែក្រវាត់ធំលើកដំបូងរបស់ Kaneko ដែរ។

ការប្រកួតត្រូវបានដាក់ពិន្ទុឲ្យស្មើគ្នា បន្ទាប់ពីតស៊ូ៣ទឹក។ ដូច្នេះការប្រកួតត្រូវបន្ថែម១ទឹកទៀត ចូលដល់ទឹកទី៤ Kaneko បានឈ្នះដោយពិន្ទុឯកច្ឆ័ន្ទដើម្បីក្លាយជាម្ចាស់ខ្សែក្រវាត់ Krush Bantamweight ក្នុងប្រភេទទម្ងន់៥៣គីឡូក្រាម។

៤ខែបន្ទាប់ Kaneko ត្រូវបានរៀបចំឲ្យប្រកួតការពារខ្សែក្រវាត់ទល់នឹងម្ចាស់ខ្សែក្រវាត់ WPMF bantamweight កីឡាករ Junya Weerasakreck នៅថ្ងៃទី២៨ ខែតុលា ឆ្នាំ២០១៨។ ជាលទ្ធផលរូបគេបានផ្ដួលឲ្យកីឡាករ Junya បោះបង់ការប្រកួតនៅទឹកទី២។

គិតត្រឹមឆ្នាំ២០២៤ កីឡាករ Akihiro Kaneko ប្រកួតសរុបចំនួន៣៨លើកគឺ ឈ្នះ៣៥លើក ចាញ់៣លើក។ ក្រោយឡើងមកប្រកួតក្នុងកម្រិតខ្ពស់ តាំងចុងឆ្នាំ២០១៦ រូបគេបានឈ្នះខ្សែក្រវាត់ដូចខាងក្រោម៖