យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ដោយមើលឃើញពីការទទួលស្គាល់ទំនាក់ទំនងស្នេហារបស់នាង​ ជាមួយតារាសម្តែង Ryu Jun Yeol និងពាក្យចចាមអារ៉ាមជាបន្តបន្ទាប់នៃទំនាក់ទំនង Han So Hee ត្រូវម្ចាស់យីហោល្បីៗជាច្រើនសម្រុកនាំកញនាផ្ដាច់កុងត្រាបញ្ចប់នាង ក្នុងនាមជាតារាបង្ហាញម៉ូដផ្សាយពាណិជ្ជកម្មឲ្យពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Lotte Chilsung បានបញ្ចាក់ថា កិច្ចសន្យារបស់ Han So Hee សម្រាប់យីហោ Chum Churum​បានបញ្ចប់នៅដើមខែមីនា ហើយមិនត្រូវបានបន្ត​ បន្ទាប់ពីអាណត្តិមួយឆ្នាំរបស់ខ្លួនបានផុតដូចគ្នា។ អ្នកតំណាង Lotte Chilsung បាននិយាយថា “បន្ទាប់ពីការផុតកំណត់នៃកិច្ចសន្យារបស់នាង មិនមានការបន្តត្រូវបានបន្ត” ហើយបន្ថែមថាការជំនួសតួនាទីរបស់នាងមិនទាន់ត្រូវបានកំណត់នៅឡើយទេ។

យ៉ាងណាក៏ដោយ​ Han So Hee មិន​មាន​ការ​និយាយ​ក្នុង​ការ​ផុត​កំណត់​នៃ​កិច្ច​សន្យា​របស់​នាងសូម្បីតែបន្តិចណាឡើយ ខណៈដែលអ្នក​សង្កេត​ការណ៍​ក្នុង​ឧស្សាហកម្ម​មាន​ការ​ចាប់​អារម្មណ៍​ចំពោះ​ចំណាត់​ការ​យ៉ាង​លឿន​របស់ Lotte Chilsung មុន​ការ​រំពឹង​ទុក។ នេះ​ជា​ឧទាហរណ៍​ដំបូង​ក្នុង​រយៈពេល​ប្រាំបី​ឆ្នាំ​ ដែល​គំរូ​ផ្សាយ​ពាណិជ្ជកម្ម​បាន​ផ្លាស់ប្តូរ​ក្នុង​រយៈពេល​មួយ​ឆ្នាំ។

ដូចគ្នានេះដែរ ធនាគារ NH Bank បានសម្រេចចិត្តមិនបន្តកិច្ចសន្យាជាមួយ Han So Hee ដោយគ្រោងនឹងស្វែងរកតារាថ្មី និងចាប់ផ្តើមសកម្មភាពផ្សព្វផ្សាយនាពេលខាងមុខនេះ។ Han So Hee បានជាប់ពាក់ព័ន្ធជាមួយធនាគារ NH Bank ជាតារាម៉ូដែលតាំងពីឆ្នាំ ២០២១ ដោយបានបញ្ចប់ការកាន់កាប់របស់នាងកាលពីដើមខែនេះ។

បន្ថែមពីលើនេះ ផ្នែកមតិយោបល់សម្រាប់វីដេអូផ្សាយពាណិជ្ជកម្មរបស់នាងនៅលើវេទិកាជួញដូររថយន្តប្រើរួច Hey Dealer ត្រូវបានបិទ ចំពេលមានការរិះគន់ដែលកើតចេញពីភាពចម្រូងចម្រាសនៃទំនាក់ទំនងស្នេហាត្រីកោននាពេលថ្មីៗនេះ។

ថ្វីបើយ៉ាងនេះក្ដី ជាការឆ្លើយតបទៅនឹងប្រតិកម្មតបវិញ Han So Hee បានប្រកាសពីចេតនារបស់នាងក្នុងការចាត់វិធានការផ្លូវច្បាប់ប្រឆាំងនឹងការអត្ថាធិប្បាយព្យាបាទនៅថ្ងៃទី ១៨ ខែមីនា ឆ្នាំ២០២៤៕

អត្ថបទ៖ សាង ស្រីល័ក្ខ

ចុចអាន៖Jun Yeol និង So Hee គេចមុខពីសាធារណជន ក្រោយរងការចោទប្រកាន់ស្នេហាត្រីកោណ