ព័ត៌មានអន្ដរជាតិ
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ក្រុមអ្នកវិទ្យាសាស្រ្តប្រទេសស្កុតឡែនថ្មីៗនេះបានបង្ហាញនូវការរកឃើញហ្វូស៊ីលចម្លែកមួយ មានអាយុកាល ២៤០ លានឆ្នាំ ដែលមានសណ្ឋានដូចសត្វនាគចិន ។ នេះបើតាមការចុះផ្សាយរបស់សារព័ត៌មានសហរដ្ឋអាមេរិក ABC News ។

តាមប្រភពព័ត៌មានដដែល ក្រុមអ្នកវិទ្យាសាស្រ្តអន្តរជាតិពីសារមន្ទីរជាតិស្កុតឡែន បានបង្ហាញពីការរកឃើញហ្វូស៊ីលនេះនៅក្នុងខេត្ត Guizhou ភាគខាងត្បូងប្រទេសចិន ដោយមានឈ្មោះវិទ្យាសាស្រ្តថា Dinocephalosaurus ដែលចាត់ជាល្មូនរូបរាងវែងនៅក្នុងទឹក ដែលគេអាចសម្គាល់ថាវាស្ថិតក្នុងសម័យកាលដាយណូស័រ Triassic មានអាយុកាលប្រហែល ២៤០ លានឆ្នាំ ។
បើតាមការប្រកាសរបស់អ្នកវិទ្យាសាស្រ្តបានឲ្យដឹងថា ”វាមានឆ្អឹងកង ក ៣២ គ្រាប់ដែលជាប្រភេទ Dinocephalosaurus កវែង ជាល្មូនចម្លែកមួយក្នុងចំណាត់ថ្នាក់វិទ្យាសាស្រ្តល្មូនក្នុងសម័យដាយណូស័រ” ។

យ៉ាងណាមិញ ទម្រាំបានការប្រកាសពីការរកឃើញខាងលើ ក្រុមអ្នកវិទ្យាសាស្រ្តពីស្កុតឡែន អាល្លឺម៉ង់ សហរដ្ឋអាមេរិក និងចិនបានសិក្សារួមគ្នាលើហ្វូស៊ីលនេះ អស់រយៈពេលជាង ១០ ឆ្នាំមកហើយ ដើម្បីវិភាគសរុបជាហ្វូស៊ីលរួមបាន នៅឯវិទ្យាស្ថានសិក្សាពីប្រភេទឆ្អឹង នាឯក្រុងប៉េកាំង ។
ដោយឡែកបើតាមការលើកឡើងរបស់សាស្រ្តាចារ្យ Li Chun មកពីវិទ្យាស្ថានសិក្សាពីប្រភេទឆ្អឹងខាងលើបានបញ្ជាក់ថា “នេះជាកិច្ចខិតខំប្រឹងប្រែងជាអន្តរជាតិ ដែលធ្វើការរួមគ្នារវាងសហការីពីសហរដ្ឋអាមេរិក អង់គ្លេស និងអឺរ៉ុបផ្សេងទៀត ដែលរកឃើញនូវគំរូឆ្អឹងថ្មី នៅឯវិទ្យាស្ថានវិទ្យាសាស្រ្តចិន ហើយនឹងបង្កើតនូវចំណេះដឹងថ្មីទៀតអំពីសត្វក្នុងយុគសម័យអតីត” ៕

ដោយ៖ មាន រតនា

-
សន្តិសុខសង្គម៤ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៥ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត