អាវុធហត្ថរាជធានី អរគុណចំពោះសប្បុរសជនដែលបានផ្ដល់ស្បៀងក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានថ្លែងនូវការអរគុណចំពោះ សប្បុរសជនដែលបានផ្ដល់ស្បៀងដល់កម្លាំងអាវុធហត្ថឈរជើងការពារតាមមណ្ឌលព្យាបាលអ្នកជំងឺកូវីដ១៩។

ជាក់ស្ដែងនៅថ្ងៃនេះ ក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩ កម្លាំងអាវុធហត្ថរាជធានីភ្នំពេញ ឈរជើងនៅមណ្ឌលសម្រាកព្យាបាលជំងឺកូវីដ១៩ គោលដៅ ដឹ ព្រេមៀ សែនសុខ បានទទួលការឧបត្ថម្ភ អង្ករ ៥០ការ៉ុង (ក្នុង១ការ៉ុងចំនួន១០គីឡូក្រាម), មី១៥កេស, ទឹកស៊ីអ៊ីវ១០០ដប ពីលោក ហុង លី ដើម្បីប្រើប្រាស់ជាប្រយោជន៍ក្នុងការបំប៉នបន្ថែមលើអាហាររូបត្ថម្ភដល់កងកម្លាំង ដែលបានមមាញឹក ក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩ ។

ឆ្លើយតបទៅនឹងសណ្តានចិត្តរបស់សប្បុរសជនខាងលើ កម្លាំងអាវុធហត្ថរាជធានីភ្នំពេញដែលកំពុងបំពេញបេសកកម្ម តាមគោលគោលដៅ មានចិត្តរំភើបកក់ក្តៅបំផុត និងសូមជូនពរ លោក ហុង លី ជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

អត្ថបទ ៖ វិមាន