កូវីដ-១៩
មករកការងារនៅភ្នំពេញពុំទាន់បានផង ឆ្លងកូវីដទាំងប្តីប្រពន្ធ សល់កូន៣នាក់ចាំបន្ទប់ជួលគ្មានលុយមួយរៀល
ភ្នំពេញ៖ គ្រួសារកសិករមួយបានចាកចេញពីស្រុកកំណើតមកស្វែងរកការងារធ្វើនៅភ្នំពេញមិនទាន់បានមួយសប្តាហ៍ផងបែរជាឪពុក ម្តាយដែលជាជំហរគ្រួសារបានឆ្លងជំងឺកូវីដ-១៩ បន្សល់ទុកកូនតូចៗ៣នាក់ឱ្យនៅចាំបន្ទប់ជួលគួរឱ្យសង្វេគ។
យោងតាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យ២ បានប្រាប់ “កម្ពុជាថ្មី” នារសៀលថ្ងៃទី១៨ ខែកក្កដានេះថា តាងនាមជាអាជ្ញាធរក៏ដូចជាប្រជាពលរដ្ឋរស់នៅក្នុងភូមិឫស្សី បាននាំគ្នាអាណិតអាសូរទៅលើក្រុមគ្រួសារមួយដែលមានសមាជិក៥នាក់ ក្នុងនោះឪពុក ម្តាយ និងកូន៣នាក់ដែលរស់នៅក្នុងបន្ទប់ជួលក្រុមទី៩ ភូមិឫស្សី សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ដោយសារតែឪពុក និងម្តាយឆ្លងជំងឺកូវីដ-១៩ នៅសល់តែកូនៗ៣នាក់អវីជ្ជមាន ត្រូវបានគ្រូពេទ្យឱ្យធ្វើចត្តាឡីស័ករយៈពេល១៤ថ្ងៃ ហើយឪពុកម្តាយត្រូវបានដឹកយកទៅព្យាបាលជំងឺនៅមន្ទីរពេទ្យ។
លោកចៅរងបន្តទៀតថា អ្វីដែលគួរឱ្យអាណិតខ្លោចចិត្តនោះគឺ ដោយសារតែក្រុមគ្រួសារនេះគ្មានសល់លុយ១រៀលសម្រាប់ទុកឱ្យកូនទិញចំណីរអាហារ។ ឪពុកម្តាយទៅព្យាបាលអាចមានអាហារឧបត្ថម្ភ ចំណែកកូនៗគ្មានអ្វីសម្រាប់ទិញម្ហូបចំណី។ ដោយសារតែឃើញទុក្ខលំបាកបែបនេះលោក សេង វ៉ាន់ថា បាននាំយកអំណោយរួមមានអង្ករ និងគ្រឿងឧបភោគបរិភោគយកមកផ្តល់ដល់កូនតូចៗទាំង៣សម្រាប់ទុកផ្គត់ផ្គង់ជីវភាពមួយរយៈទំរាំឪពុកម្តាយចេញពីមន្ទីរដើររកការងារធ្វើយកលុយមកឱ្យផ្ទះជួលទៀត។
លោកចៅរងបានបញ្ជាក់ទៀតថា ក្រុមគ្រួសារនេះគឺប្តីឈ្មោះ កឹ ជ្រូក និងប្រពន្ធឈ្មោះ គង់ ស្រីលីស៕
អត្ថបទ៖ នរា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ