Connect with us

កូវីដ-១៩

ថ្ងៃដែលកម្ពុជារកឃើញ ករណីឆ្លង អូមីក្រុង ក្នុងសហគមន៍ ច្រើនជាងគេ

បានផុស

នៅ

អ្នកជំងឺកូវីដ-១៩ ប្រភេទបំប្លែងថ្មី អូមីក្រុង ឆ្លងក្នុងសហគមន៍ ចំនួន ៣០ ករណី ត្រូវបានរកឃើញត្រឹមតែមួយថ្ងៃ ដែលនេះជាចំនួនឆ្លងជំងឺអូមីក្រុង ផ្ទៃក្នុងប្រទេសកម្ពុជាច្រើនបំផុតមិនធ្លាប់មានជាង ១ ខែមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាល នៅថ្ងៃទី ២១ ខែមករា ឆ្នាំ ២០២២ នេះ បានចេញ សេចក្ដីជូនព័ត៌មាន ស្ដីពី “ការសរុបស្ថានភាពជំងឺកូវីដ១៩ ក្នុងព្រះរាជាណាចក្រកម្ពុជា សម្រាប់ថ្ងៃទី ២០ ខែមករា ឆ្នាំ ២០២២” ដោយបានបង្ហាញថា កម្ពុជាបានរកឃើញករណីឆ្លងជំងឺកូវីដ-១៩ ចំនួន ៤២ ករណី លទ្ធផលបញ្ជាក់ដោយ PCR ជាប្រភេទអូមីក្រុងទាំងអស់។ ក្នុងនោះ មាន ៣០ ករណី ឆ្លងក្នុងសហគមន៍ និង ១២ ករណី នាំចូលពីក្រៅប្រទេស ខណៈព្យាបាលជាសះស្បើយចំនួន ១៨ ករណី និង មិនមានករណីស្លាប់ ១៧ ថ្ងៃជាប់គ្នា។

គួរបញ្ជាក់ថា ករណីមេរោគបំប្លែងថ្មីប្រភេទអូមីក្រុង ត្រូវបានរកឃើញនៅកម្ពុជាជាលើកដំបូងនៅថ្ងៃទី ១៤ ខែធ្នូ ឆ្នាំ ២០២១ ទៅលើស្ត្រីមានផ្ទៃពោះជាជនជាតិខ្មែរម្នាក់ អាយុ ២៣ឆ្នាំ នៅខេត្តស្វាយរៀង ដែលបានធ្វើដំណើរតាមជើងហោះហើរចេញពីប្រទេសហ្គាណា។ រហូតមកដល់ពេលនេះ កម្ពុជាមានអ្នកឆ្លងជំងឺកូវីដ-១៩ បំប្លែងថ្មីប្រភេទអូមីក្រុង ចំនួនជាង ៥០០ ករណី ដោយ ឆ្លងក្នុងសហគមន៍ សរុប ១៥២ ករណី។

គិតត្រឹមថ្ងៃនេះ កម្ពុជាមាន អ្នកឆ្លងជំងឺកូវីដ-១៩ សរុបចំនួន ១២០ ៩៥៦ នាក់ អ្នកជាសះស្បើយចំនួន ១១៧ ១៨០ នាក់ និងអ្នកស្លាប់ចំនួន ៣ ០១៥នាក់៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម