ជីវិតកម្សាន្ដ

ជុំ លីណូ អំពាវនាវចែករំលែកគុនល្បុក្កតោខ្មែរឲ្យកាន់តែផុសផុល

បានផុស

២ years មុន

នៅ

ថ្ងៃសុក្រ ២៦ មេសា ២០២៤

ដោយ

ដោយមើលឃើញពីភាពអស្ចារ្យ នៃការសម្តែងដ៏រស់រវើក នៃក្បាច់គុនល្បុក្កតោរបស់ខ្មែរ និងក្បាច់គុនសាវលីញរបស់ចិន តារាចម្រៀង លោក ជុំ លីណូ បានចេញមកបំផុសឲ្យប្រជាជនខ្មែរចូលរួមចែករំលែកឲ្យបានកាន់តែច្រើនថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវរបស់តារាចម្រៀងលោក ជុំ លីណូ នេះ ស្របពេលដែលកំពុងផ្ទុះការចាប់អារម្មណ៍កក្រើក នៃការសម្តែងរួមគ្នារវាងក្បាច់គុនល្បុក្កតោខ្មែរប៉ះនឹងគុនសាវលីញចិន នៅលើទឹកដីអង្គរ នៃព្រះរាជាណាចក្រកម្ពុជា ខណៈប្រជាជនខ្មែរយ៉ាងច្រើន ក៏មានមោទនភាពជាខ្លាំង បន្ទាប់ពីបានទស្សនាការសម្តែងនេះ។

បង្ហោះភ្ជាប់រូបភាព ៣ សន្លឹង បង្ហាញពីក្រុមសម្តែងល្បុក្កតោខ្មែរ លោក ជុំ លីណូ បានលើកឡើងដោយមោទនភាពថា «សូមបងប្អូនជនជាតិខ្មែរយើងគ្រប់រូបជួយផុសជួយចែករំលែកឲ្យបានច្រើន ពិសេសប្អូនៗ ក្មួយៗ ជំនាន់ក្រោយ ត្រូវចាំឲ្យច្បាស់ថា យើងម្ចាស់ទឹកដី ម្ចាស់ប្រទេស ម្ចាស់អរិយធម៌ វប្បធម៌ ជាច្រើនទម្រង់ផងដែរ”(តោះស៊ែរឡើង)»។ ការលើកឡើងនេះ បានធ្វើឲ្យមតិមហាជនមួយចំនួន សម្តែងការគាំទ្រគ្រប់គ្នា។

គេកត់សម្គាល់ថា តារាចម្រៀងចូលចិត្តស្តាយ៍បែបយុវវ័យលោក ជុំ លីណូ សម្រាប់អាជីពសិល្បៈរបស់លោកបច្ចុប្បន្ននៅតែរក្សាបានការគាំទ្រ និងមានប្រជាប្រិយភាពដូចដើម ខណៈកន្លងមកនេះ លោកក៏ជ្រែកខ្លួនចាប់មុខជំនួញជាច្រើនទៀតផងដែរ។ មិនត្រឹមតែជោគជ័យលើមុខជំនួញផ្សេងៗ និងអាជីពសិល្បៈប៉ុណ្ណោះទេ លោក លីណូ ថ្មីៗនេះ ធ្លាយដំណឹងថា លោកបានបោះទុនរាប់ម៉ឺនដុល្លារ ដើម្បីក្លាយជាម្ចាស់ភាគហ៊ុនមួយទៀតផង៕

អត្ថបទ ៖ ចាន់រ៉ា