ជីវិតកម្សាន្ដ

ភរិយាស្ដេចប្រដាល់ អេ ភូថង បញ្ជាក់ពីស្ថានភាពជំងឺស្វាមី

បានផុស

៥ years មុន

នៅ

ថ្ងៃសុក្រ ៣០ កក្កដា ២០២១

ដោយ

ភ្នំពេញ ៖ ជាថ្មីម្តងទៀតអ្នកស្រី ស សុម៉ាលី ដែលជាភរិយាអតីតកីឡាករប្រដាល់លោក អេ ភូថង បានចេញមុខបញ្ជាក់ពីអាការៈជំងឺស្វាមី បន្ទាប់ពីទទួលបានការព្យាបាលច្រើនថ្ងៃមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ស សុម៉ាលី បានថ្លែងប្រាប់ដូច្នេះថា អគុណលោកគ្រូអ្នកគ្រូពេទ្យទាំងអស់ដែលបានមើលថែប្ដីរបស់ខ្ញុំយ៉ាងយកចិត្តទុកដាក់ ឥឡូវគាត់ធូរស្រាលជាងមុនខ្លាំង។ សូមជូនពរឲ្យលោកគ្រូអ្នកគ្រូពេទ្យសុខភាពល្អ សំណាងល្អ នឹងជៀសផុតកូវីដទាំងអស់គ្នា។

ភរិយាលោក អេ ភូថង បានបន្ថែមថា ឥឡូវនេះប្ដីរបស់ខ្ញុំបានធូរស្បើយច្រើនហើយ និងជិតដល់ថ្ងៃត្រឡប់ទៅផ្ទះវិញហើយ។ ខ្ញុំសូមគោរពថ្លែងអំណរអរគុណដល់ថ្នាក់ដឹកនាំគ្រប់ជាន់ថ្នាក់ដែលតែងតែយកចិត្តទុកដាក់។

សូមជម្រាបថា អតីតស្តេចប្រដាល់គុនខ្មែរកែងឆេះជង្គង់ហោះលោក អេ ភូថង ពេលនេះកំពុងសម្រាកព្យាបាលជំងឺកូវីដ-១៩ នៅមជ្ឈមណ្ឌលព្យាបាលជំងឺកូវីដ-១៩ពហុកីឡដ្ឋានជាតិអូឡាំពិកក្រោយពីលោកបានធ្វើតេស្ដរកឃើញវិជ្ជមានកូវីដ-១៩៕

ដោយ ៖ ចាន់រ៉ា