កីឡា

ក្រុមស្នងការរាជធានីភ្នំពេញ គ្រោងចូលរួមការប្រកួតពានរង្វាន់សេនាតេជោ សន្តិភាព ២០២៦ នៅខេត្តបាត់ដំបង

បានផុស

៣៥ នាទី មុន

នៅ

ថ្ងៃសុក្រ ១៧ កក្កដា ២០២៦

ដោយ

ក្រុមបាល់ទះស្នងការរាជធានីភ្នំពេញ គ្រោងនឹងទៅចូលរួមការប្រកួតពានរង្វាន់ សេនាតេជោ សន្តិភាព ឆ្នាំ២០២៦ នៅឯខេត្តបាត់ដំបង ចាប់ពីថ្ងៃទី២១ ដល់ ២៥ ខែកក្កដា ដោយមានក្រុមចូលរួមសរុប ៩ក្រុម និងចែកជាពីរពូលប្រកួតសន្សំពិន្ទុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះស្នងការរាជធានីភ្នំពេញ

សម្រាប់ពានរង្វាន់ សេនាតេជោ សន្តិភាព ២០២៦ ដែលនឹងធ្វើឡើងនៅឯខេត្តបាត់ដំបងនេះគឺរួមមានក្រុមដូចខាងក្រោម៖

ក្រុមបាល់ទះនៅក្នុងពូល A

1 សាលា ITC (ប៉ោយប៉ែត)

2 យុវជនស្រុកឯកភ្នំ

3 សកលវិទ្យាល័យជាតិបាត់ដំបង

4 សមាគមបាល់ទះដើរថតកម្ពុជា

5 ស្នងការនគរបាលខេត្តបាត់ដំបង

ក្រុមបាល់ទះនៅក្នុងពូល B

1 ស្នងការនគរបាលខេត្តប៉ៃលិន

2 ស្នងការនគរបាលខេត្តពោធិ៍សាត់

3 ស្នងការនគរបាលខេត្តរាជធានីភ្នំពេញ

4 ក្លឹបបាល់ទះអូរតាគាំ

ពានរង្វាន់នេះចាប់ផ្ដើមដំណើរការប្រកួតវគ្គសន្សំពិន្ទុក្នុងពូលចាប់ពីថ្ងៃទី២១ ខែកក្កដា ដល់ថ្ងៃទី២៣ ខែកក្កដា ឆ្នាំ២០២៦។ ចំណែកថ្ងៃទី២៤ ខែកក្កដា បន្តប្រកួតវគ្គពាក់កណ្ដាលផ្ដាច់ព្រ័ត្រ។ ថ្ងៃទី២៥ ខែកក្កដា ឆ្នាំ២០២៦ នោះគឺជាការប្រកួតវគ្គផ្ដាច់ព្រ័ត្រដណ្ដើមពានលេខ១-២ តែម្ដង។

អ្នកស្រឡាញ់គាំទ្រវិស័យកីឡាបាល់ទះកុំភ្លេចចូលរួមគាំទ្រ និងទស្សនាការប្រកួតពានរង្វាន់សេនាតេជោ សន្តិភាព ឆ្នាំ២០២៦ នេះទាំងអស់គ្នា។ រង់ចាំមើលថាក្រុមខ្លាំងៗដូចជាស្នងការរាជធានីភ្នំពេញ ស្នងការនគរបាលខេត្តបាត់ដំបង ស្នងការនគរបាលខេត្តពោធិ៍សាត់ ស្នងការនគរបាលខេត្តប៉ៃលិនជាដើមអាចដណ្ដើមយកពាននេះបានទេ៕

អត្ថបទដោយ៖ នួន ស៊ីណា