រកឃើញម្ចាស់មកុដបវរកញ្ញាចក្រវាលកម្ពុជា ឆ្នាំ ២០២១ បានទៅលើ កញ្ញា ងិន ម៉ារ៉ាឌី

បន្ទាប់ពី​ឆ្លងកាត់​ការប្រកួត​យ៉ាង​ស្វិត​ស្វាញ ​និង​វគ្គ​ជម្រុះ​ជាច្រើន​ខែ​កន្លងមក​នោះ​ ទីបំផុតបានរកឃើញម្ចាស់មកុដបវរកញ្ញាចក្រវាលកម្ពុជា ២០២១ (Miss Universe Cambodia 2021)​ គឺ​បានទៅលើ​កញ្ញា ងិន ម៉ា​រ៉ា​ឌី។​

សម្រាប់​ការប្រឡង​វគ្គ​ផ្ដាច់ព្រ័ត្រ​បវ​រកញ្ញា​ចក្រ​វា​លកម្ពុជា​ ២០២១ (Miss Univeres Cambodia 2021)​នេះដែរ ​គឺ​បានធ្វើ​ការផ្សាយ​ផ្ទាល់​នៅលើ​ស្ថានីយ​ទូរទស្សន៍​បាយ័ន​ កាលពី​រាត្រី​ថ្ងៃទី​ ២៨​ ខែតុលា ​ឆ្នាំ​ ២០២១​ យប់មិញ​នេះ​។​

ចំពោះ​បេក្ខ​នារី​ម្ចាស់​មកុដ​បរវ​រកញ្ញា​ចក្រ​វា​លកម្ពុជា ឆ្នាំ​ ២០២១ ​ដែល​បាន​ទៅលើ​កញ្ញា ងិន ម៉ា​រ៉ា​ឌី នេះ​ត្រូវ​បាន​ទស្សនិកជន​កត់សម្គាល់​ឃើញថា​ ពិត​ជាមាន​ភាពលេច​ធ្លោ​ខ្លាំង​ទាំង​រូប​សម្ផស្ស​ និង​ចំណេះដឹង​ដែល​អាចធ្វើ​បានល្អ​រហូត​ដណ្តើមបាន​មកុដ​Miss Univeres Cambodia 2021​ឆ្នាំនេះ​។​

ម្ចាស់​មកុដ​Miss Univeres Cambodia 2021 កញ្ញា ងិន ម៉ា​រ៉ា​ឌី នេះដែរ​ក៏​ទទួលបាន​មកុដ​ពេជ្រ ​និង​រង្វាន់​លើកទឹកចិត្ត​មួយចំនួន​ពី​លោក ​ចិន ​សំណា​ង ម្ចាស់​ហាង​ពេជ្រ CSNJ ។ ​លើសពីនេះ​បើក​ញ្ញា​Miss Universe Cambodia 2021​ ទៅ​ប្រកួត​នៅ​បរទេស​ជាប់​ត្រឹម​top10 or Top 5​ នៅ​ឆ្នាំនេះ​ក៏​នឹង​ទទួលបាន​ថវិការ​៥០០០​ដុល្លារ​ និង​ចិញ្ចៀនពេជ្រ១​វង់​តម្លៃ​ជាង​១​ម៉ឺ​ន​ដុល្លារ ថែមទៀត​ពី​ម្ចាស់​ហាង CSNJ​។​

សូមបញ្ជាក់ថា​ ម្ចាស់​មកុដ​Miss Univeres Cam bodia 2021​កញ្ញា ងិន ម៉ា​រ៉ា​ឌី គឺ​នឹងត្រូវ​ត្រៀម​ខ្លួន​តំណាង​កម្ពុជា​ទៅ​ចូលរួម​ប្រកួត​ម្ចាស់​មកុដ​Miss Univeres​លើ​ឆាក​អន្តរជាតិ​ជាមួយ​បណ្តា​ប្រទេស​ជាច្រើន​ទៀត​មកពី​ជុំវិញ​ពិភពលោក​ផងដែរ​៕​

អត្ថបទ៖ ចាន់​រ៉ា​