គ្រងតំណែងមិនបានប៉ុន្មានថ្ងៃ បវរកញ្ញា ​MGI 2021 ត្រូវប្រជាជន ថៃ ចោទប្ដឹង

ទើបតែគ្រងតំណែងជយលាភីឯកបានពីរថ្ងៃ​ប Miss Grand International 2021 បវរកញ្ញា Nguyen Thuc Thuy Tien រងការចោទប្រកាន់ពីប្រជាជនថៃពីបទប្រមាថលើជាតិ សាសនា និងព្រះមហាក្សត្រ។

បើយោងតាមប្រភពពីផេកមួយរបស់ថៃឈ្មោះ ศูนย์รวมประชาชนปกป้องสถาบัน (Center for the People’s Defense Institute) បានឱ្យដឹងនៅថ្ងៃទី០៦ ខែធ្នូ នេះថា បវរកញ្ញា Nguyen Thuc Thuy Tien ដែលជាម្ចាស់មកុដ ​MGI 2021 ត្រូវបានមហាជនថៃ នាំគ្នាប្ដឹងពីបទប្រមាថ​ជាតិ​ សាសនា​ ព្រះមហាក្សត្រ កំលុងធ្វើបទបង្ហាញនៅវគ្គផ្ដាច់ព្រ័ត្រ Top 10។

ប្រភពដដែល បន្ថែមថា វេលាម៉ោង ១០ព្រឹក នៅថ្ងៃទី៧ ខែធ្នូ ស្អែកនេះ ស្ថាប័ន​ផ្សេងៗជាច្រេីននឹងជួបជាមួយបវរកញ្ញា Nguyen Thuc Thuy Tien នៅឯ​ស្ថានទូត​ វៀតណាម​ ក្នុងប្រទេសថៃ ដើម្បីដោះស្រាយ​រឿងក្ដីក្ដាំនេះ។

យ៉ាងណាមិញ មកទល់នឹងពេលនេះ ខាងសាមីខ្លួន និងខាងស្ថាប័ន Miss Grand International ពុំទាន់ចេញមុខបកស្រាយអ្វី ពាក់ព័ន្ធនឹងការចោទប្រកាន់នេះនៅឡើយ។

គួរបញ្ជាក់ថា ​និមិត្តសញ្ញាម្រាមដៃ៣ ជានិមិត្តសញ្ញានៃការប្រឆាំងរដ្ឋាភិបាល ហើយទំនងមកពីសកម្មភាពនេះហើយដែលធ្វើឱ្យប្រជាជន ថៃ មួយចំនួនផ្ទុះការមិនពេញចិត្ត រហូតមានការប្ដឹងផ្ដល់៕

អត្ថបទ៖ ​សន្យា

ចុចអាន៖ ដឹងសាវតារ Nguyen Thuc Thuy Tien ហើយ ពិតជាសក្ដិសមគ្រងមកុដ Miss Grand International (មានវីដេអូ)

ចុចអាន៖ ភាពលេចធ្លោ ៤ចំណុច នាំឱ្យបវរកញ្ញា វៀតណាម ដណ្ដើមបានមកុដ MGI 2021