មូលហេតុនេះសោះ ទើប យ៉ែម សំអូន មិនបានជួបមុខកូនស្រីរហូត ៧ឆ្នាំ

គិតមកទល់ពេលនេះមានរយ:ពេល ៧ឆ្នាំហើយដែលតារាចម្រៀង លោក យ៉ែម សំអូន បានឃ្លាតឆ្ងាយពីកូនស្រីសំណព្វចិត្តរបស់ខ្លួន ពោលគឺចាប់តាំងពីពេលដែលលោកបានបែកបាក់ជាមួយអតីតភរិយាអ្នកនាង យ៉ាន លីនដា។

ដោយសាដោយសារតែក្តីនឹករលឹកចំពោះកូនស្រីជារឿយៗ គេតែងតែឃើញ លោក យ៉ែម សំអូន ​បាន​ផ្ញើ​ពំនោល​តាម​បណ្ដាញសង្គមហ្វេសប៊ុកតាមរយៈការរៀបរាប់ពីក្ដីបារម្ភ​ក្នុងនាមជាឪពុកចំពោះកូនស្រីជាទីស្រលាញ់ដែលកំពុងរស់នៅនៅឯនាយសមុទ្រ រហូតធ្វើឲ្យអ្នកគាំទ្រមួយចំនួនបានបង្ហាញការអាណិតដល់តារាប្រុសរូបនេះដែលបានឃ្លាតឆ្ងាយពីកូនស្រី។

ក្នុងនោះ តារាចម្រៀង យ៉ែម សំអូន ក៏បានទម្លាយផងដែរនូវមូលហេតុ ៧ឆ្នាំមិនដែលបានជួបមុខកូនស្រី។ ភ្ជាប់​នឹង​រូបថត​អនុស្សាវរីយ៍​ជាមួយ​កូនស្រី​វ័យ​ជំទង់លោក យ៉ែម សំ​អូន បាន​បានបរិយាយសារបញ្ជាក់ដូច្នេះថា ពេលវេលាពិតជាដើលឿនណាស់ ប៉ុន្តែលោកនៅចាំច្បាស់ស្នាមញញឹមដែលមាននៅក្នុងរូបថតមួយសន្លឹកនេះគឺលោកបានថតនៅក្នុងប្រទេសថៃ ហើយក៏បញ្ចាក់ថា លោកបានបែកពីកូនស្រីរយ:ពេល ៧ឆ្នាំហើយ រាប់ចាប់តាំងពីថ្ងៃ ២១ ខែមករា ឆ្នាំ២០១៥ រហូតដល់ថ្ងៃទី២១ ខែមករា ឆ្នាំ២០២២។

លោកបន្តថា “ប៉ា(ឪពុក) ពិតជានឹកកូនខ្លាំងណាស់ ហើយបា៉សូមទោសកូនតែបា៉ជឿជាក់ថាពីរនាក់បា៉កូនយើងនឹងបានជួបគ្នា ហើយកូនក៏ធ្លាប់បានសន្យានិងបា៉ ហើយថានៅថ្ងៃណាដែលព្រមនិងចង់ជួបបា៉មិនថាពេលវេលា និងទីកន្លែងឆ្ងាយយ៉ាងណាក៏បា៉និងទៅជួបកូនភ្លាម ហើយបា៉នៅរក្សាជំហរដដែល បា៉ដែលផ្លាស់ប្តូរខ្លួនឯងថាបា៉មានកូននិងស្រ លាញ់កូ ស្មើនិងជីវិតរបស់បា៉ដែរ។”

លោក យ៉ែម សំអូន បន្ថែមទៀតថា “ផ្លូវនៅវែងឆ្ងាយណាស់សម្រាប់កូន ហើយមានតែពេលវេលាមួយគត់ ដែលអាចបញ្ចាក់អំពីគុណតម្លៃរបស់យើង ហើយថាតើយើងនឹងដើរដល់កម្រិតណាតែលោកនៅតែមានសង្ឃឹម និងមានមោទនភាពចំពោះកូនស្រីដ៏រឹងមាំរបស់លោកជានិច្ច។ សូមជួនពរកូនស្រីតែមួយជួបតែសេចក្ដីសុខ រៀនពួកែ និងសូមអោយកូនក្លាយជាមនុស្សដ៏ល្អសំរាប់អ្នកគ្រប់គ្នា។”

គួរម្លឹកថា មហាជនបានដឹងហើយថាចំណងសេ្នហាលោក យ៉ែម សំ​អូន និងអតីតភរិយាអ្នកនាង យ៉ាន លីន​ដា បានបែកគ្នាច្រើនឆ្នាំមកហើយ ខណៈដែល​បច្ចុប្បន្ន​ លោក យ៉ែម សំ​អូន កំពុងរស់នៅជាមួយអាជីពការងារសិល្បៈស្រុក​ខ្មែរ​។ ​រីឯអតីតភរិយាកំពុងរស់នៅឯក្រៅប្រទេសជាមួយកូនស្រីជាទីស្រលាញ់របស់ខ្លួន៕

អត្ថបទ៖ ចាន់រ៉ា

ចុចអាន៖ តារាល្បីៗ៥ដួងផុងខ្លួនអស់លុយរាប់សែនដុល្លារ​

ចុចអាន៖ សាយ រម្លឹក​រឿង​កាលពី​៩​ឆ្នាំមុន​ប៊ិះ​អស់​ជីវិត​នៅក្នុង​ភ្នក់ភ្លើង