ជីវិតកម្សាន្ដ

ឆ្លងកាត់សិល្បៈ ៣០ ឆ្នាំ យ៉ែម សំអូន បង្ហើបថា លោកនៅតែរក្សាតម្លៃទីផ្សារដូចដើម អត់ផ្លាស់ប្ដូរទេ

បានផុស

១ year មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

តារាចម្រៀងជើងចាស់ដែលរក្សាបានទីផ្សារសិល្បៈ លោក យ៉ែម សំអូន គិតមកទល់បច្ចុប្បន្នបានចាប់អាជីពសិល្បៈមានរយៈពេលប្រមាណ ៣០ ឆ្នាំហើយ ហើយបើប្រៀបធៀបអ្នកសិល្បៈរួមជំនាន់ លោកនៅតែមានទឹកដមសំនៀងខ្លាំង មិនចាញ់មិត្តរួមជំនាន់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលចូលវិថីសិល្បៈ ៣០ ឆ្នាំ មកនេះ លោក យ៉ែម សំអូន បានអះអាងថា មកដល់សព្វថ្ងៃ គឺលោកនៅតែរក្សាតម្លៃទីផ្សារដូចដើម អត់មានផ្លាស់ប្ដូរទេ។ កត្តានេះ ទើបជំរុញឲ្យតារាប្រុសជើងចាស់រូបនេះ អាចឆក់បានឱកាសច្រើនសម្រាប់ទីផ្សារចម្រៀង និងអាជីពតន្ត្រីសម័យផ្ទាល់ខ្លួន។

លោក យ៉ែម សំអូន បានឲ្យដឹងថា ទីផ្សារប្រកួតប្រជែង តែថោកគេប្រើច្រើនហើយ ព្រោះអ្នកដែលប្រឹងប្រកួតនោះសមត្ថភាពបានត្រឹមតែដូរអាហារបីពេលរបស់គាត់តែប៉ុណ្ណោះ ថោកគឺដាច់ខាតមិនអាចថ្លៃឡើយ តម្លៃគឺបានត្រឹមសម្រាប់អ្នកមិនសូវថ្លៃប្រើប៉ុណ្ណោះ សាកល្បងសួរពីតម្លៃលោកលេងសិនក៏បាន។

តារាចម្រៀង លោក យ៉ែម សំអូន បាននិយាយទៀតថា “ខ្ញុំ យ៉ែម សំអូន រាល់ថ្ងៃមិនបាច់រវល់ច្រើនអួតគ្នាឲ្យឃើញតែរវល់ក៏បាន ប៉ុន្តែ ៣០ ឆ្នាំហើយនៅក្នុងវិស័យនេះរបស់ខ្ញុំ គឺនៅតែរក្សាតម្លៃ គឺទីផ្សារនៅដូចដើមដដែល អត់ផ្លាស់ប្ដូរទេ តម្លៃ នៃសមត្ថភាព”។

តាមការកត់សម្គាល់តារាចម្រៀងលោក យ៉ែម សំអូន បច្ចុប្បន្នហាក់មានការមមាញឹកខ្លាំងលើអាជីពសិល្បៈ ជាពិសេសមុខរបររកស៊ីផ្ទាល់ខ្លួន ព្រោះថាលោកមានក្រុមតន្ត្រីសម័យផ្ទាល់ខ្លួន និងទទួលបានការគាំទ្រជាបន្តបន្ទាប់ពីមហាជនគ្រប់មជ្ឈដ្ឋាន។ កត្តានេះហើយទើបជំរុញឲ្យតារាប្រុសរូបនេះ កាន់តែមានជីវភាពធូរធារ និងហ៊ឺហា មិនចាញ់មិត្តភ័ក្ដិរួមជំនាន់ទេ៕

អត្ថបទ ៖ ចាន់រ៉ា