យ៉ែម សំអូន ៖ អ្នកឡើងកាន់តែខ្ពស់ គ្រោះកាន់តែច្រើន អ្នកកាន់តែរីកចម្រើន សត្រូវចាំផ្ចាញ់ផ្ចាល

ជាសារមួយដាស់តឿនមហាជនតារាចម្រៀងជើងចាស់លោក យ៉ែម សំអូន បានឲ្យដឹងតាមរយ:សំណេរខ្លីមួយថា បើអ្នកឡើងកាន់តែខ្ពស់ គ្រោះកាន់តែច្រើន អ្នកកាន់តែរីកចម្រើន សត្រូវចាំផ្ចាញ់ផ្ចាលក៏ច្រើនដែរ។

តាមការកត់សម្គាល់តារាចម្រៀងលោក យ៉ែម សំអូនបច្ចុប្បន្នហាក់មានការមមាញឹកខ្លាំងលើអាជីពសិល្ប: ជាពិសេសគឺមុខរបររកស៊ីផ្ទាល់ខ្លួនព្រោះថា លោកគឺមានក្រុមតន្រ្តីសម័យផ្ទាល់ខ្លួននឹងទទួលបានការគាំទ្រជាបន្តបន្ទាប់ ពីមហាជនគ្រប់មជ្ឈដ្ឋាន។ ដោយសារតែកត្តានេះហើយ ទើបជម្រុញឲ្យតារាប្រុសរូបនេះ កាន់តែមានជីវភាពធូរធារនិងហ៊ឺហារមិនចាញ់មិត្តភក្តិរួមជំនាន់ទេ។

ដោយឡែកបើងាកមកចាប់អារម្មណ៍អំពីសម្តីលើកឡើងរបស់លោក យ៉ែម សំអូន ហាក់មានចេតនាបំផុសគំនិតដល់អ្នកគាំទ្រថា អ្នកឡើងកាន់តែខ្ពស់ គ្រោះកាន់តែច្រើនអ្នកកាន់តែរីកចំរើនសត្រូវចាំផ្ចាញ់ផ្ចាលក៏កាន់តែច្រើន ដោយអ្នកទាំងនោះ គឺនៅមិនឆ្ងាយពីយើងឡើយ ដែលយើងតែងតែអោយតម្លៃ និងមើលរំលង។

តារាចម្រៀងនិងប្រធានក្រុមតន្ត្រីសម័យលោក យ៉ែម សំអូន បានលើកឡើងបន្ថែមទៀតថា ជីវិតខ្ញុំជួបឡើងស៊ាំហើយ អត់មានអី្វដែលត្រូវខ្លាចទេ តែអ្នកដែលមិនទាន់ជួបក៍កុំអាលអរ។

គួរកត់សម្កាល់ថា លោកយ៉ែម សំអូន អំឡុងពេលមួយរយ:ចុងក្រោយនេះ គឺកាក់កបខ្លាំងជាមួយនឹងការកើបលុយពីវិថីសិល្ប:។ មិនតែប៉ុណ្ណោះលោក យ៉ែម សំអូន ក៏ត្រូវបានគេចាត់ទុកថាជាតារាជើងចាស់ដែលរក្សាបានប្រជាប្រិយភាពខ្លាំ ងទៀតផង។

គេនៅចាំបានថាតារាចម្រៀងជើងចាស់លោក យ៉ែមសំអូន កាលពីកន្លងទៅធ្លាប់ទម្លាយពីអរិតពិតរបស់ខ្លួនប្រាប់ទៅដល់អ្នកគាំទ្រនិងមហាជនថាជីវិតដែលលោកមិនចូលចិត្តគឺ ការអែបអបយកមុខមាត់ដើម្បីតែភាពហ៊ឺហារក្លែងក្លាយ។ ការលើកឡើងរបស់លោក យ៉ែម សំអូន បានធ្វើឲ្យមហាជនលើកសរសើរគ្រប់គ្នា៕ អត្ថបទ៖ ចាន់រ៉ា