លោក យ៉ែម សំអូន ដឹកនាំក្រុមសិល្បករទៅប្រគុំតន្ត្រីសប្បុរសធម៌ដើម្បីកុមារកម្ពុជា នៅអូស្ត្រាលី​

តារាចម្រៀង និងថៅកែវង់តន្ត្រីសម័យលោក យ៉ែម សំអូន បានបង្ហាញអារម្មណ៍រំភើបជាខ្លាំង ក្រោយពេលដែលកម្មវិធីប្រគុំតន្ត្រីសប្បុរសធម៌ដើម្បីកុមារកម្ពុជា នៅលើទឹកដីប្រទេសអូស្ត្រាលី​ ទទួលបានការគាំទ្រនិងស្វាគមន៍យ៉ាងកក់ក្តៅពីបងប្អូនខ្មែររស់នៅទីនោះ។

ដំណើរចេញទៅប្រទេសអូស្រ្តាលីរបស់តារាប្រុសលោក យ៉ែម សំអូន ដើម្បីរៀបចំកម្មវិធីប្រគុំតន្ត្រីសប្បុរសធម៌ ដើម្បីកុមារកម្ពុជានេះដែរ ក៏មានវត្តមានភរិយាអ្នក នាងយ៉ាន លីនដា រួមនិងសិល្បករសិល្បការិនីនៅក្នុងក្រុមរបស់លោកជាច្រើនដួង បានចេញទៅច្រៀងរាំកម្សាន្តសប្បាយជួយដល់កុមារកម្ពុជាផងដែរ។

លោក យ៉ែម សំអូនបានរៀបរាប់ឱ្យដឹងថា នេះជាកម្រងអានុស្សាវរីយ៍នៃសកម្មភាពជួបជុំសំណេះសំណាល ជាមួយក្មេងៗនៅក្នុងមជ្ឈមណ្ឌល Sunrise Cambodia ជាមួយក្រុមការងារ​ Dara Entertainment
ខ្ញុំពិតជាមានអារម្មណ៍រំភើប និងសប្បាយចិត្តខ្លាំងណាស់ ដែលមានឱកាសចូលរួមជាមួយនឹង Sunrise នៅក្នុងកម្មវិធីនៃការប្រគុំតន្ត្រីសប្បុរសធម៌​ ដើម្បីកុមារកម្ពុជានៅលេីទឹកដីនៃប្រទេស​អូស្ត្រាលី​។

តារាចម្រៀងលោក យ៉ែម សំអូន បានបញ្ជាក់បញ្ជាក់បន្ថែមថា កម្មវិធីប្រគុំតន្ត្រីសប្បុរសធម៌​ដើម្បីកុមារកម្ពុជានៅលេីទឹកដីនៃប្រទេស​អូស្ត្រាលីគឺបានរៀបចំដោយខ្លួនលោកផ្ទាល់ និងភរិយា ជាពិសេសពីក្រុមការងាររបស់លោកផងដែរ។

តាមការកត់សម្គាល់ តារាចម្រៀងលោក យ៉ែម សំអូន បច្ចុប្បន្នហាក់មានការមមាញឹកខ្លាំងលើអាជីពសិល្ប: ជាពិសេសគឺមុខរបររកស៊ីផ្ទាល់ខ្លួន ព្រោះថា លោកគឺមានក្រុមតន្រ្តីសម័យផ្ទាល់ខ្លួន និងទទួលបានការគាំទ្រជាបន្តបន្ទាប់ពីមហាជនគ្រប់មជ្ឈដ្ឋាន។ ដោយសារតែកត្តានេះហើយ ទើបជំរុញឱ្យតារាប្រុសរូបនេះកាន់តែមានជីវភាពធូរធារនិងហ៊ឺហា មិនចាញ់មិត្តភក្តិរួមជំនាន់ទេ៕ ចាន់រ៉ា